由於今日會享用埋酒店送O既lunch buffet, 所以, 早餐唔食咁飽喇, 係咁易食少少就算數.
有乜好做呢.....終於俾我諗到喇!!!O黎O左咁多日, 都未試過去做gym, 一於玩埋呢樣. 換好衫就上去gym room 喇......呢度地方唔大, 幾部跑步機, 一D 健身器材, 勝在人唔多, 所以都唔會覺得迫.
跑O左一陣步, 就入去toilet 玩喇!!!有乜好玩???呢度有steam room 同sauna room, 鍾意乾蒸又得, 濕蒸都得.....我同媽咪就揀O左濕蒸......蒸完, 我地就去浸下個jacuzzi 喇...
真係爽, 玩O左咁耐, 成個toilet 得我地兩個, 人少少真開心!!!!
玩飽喇, 我地出返去join 小倫, 返房要梳洗下就帶埋行李check-out先. check-out 過程好快, 我地放低埋D 行李就去餐廳食lunch 喇....
由於酒店只係送2位O既Lunch buffet, 所以我地要另加一份喇....價錢係THB 800, 抵唔抵食就見人見致喇, 我地就覺得幾抵啦.....單係睇下長腳蟹就已經回本啦...仲有份量唔少O野o既main dish!!!
掛住食蟹腳同份牛扒, 連麵包都唔記得食O添....
食飽飽見仲有時間, 我地就去Siam Paragon 行下Gourmet Market 喇. 把握最後一個機會買O野丫嘛....
有discount card, 所以有D 貨品埋單竟然仲平過big C 呀!!!抵抵抵.....最後, 我地仲買O左幾個新鮮芒果拎返香港食O添.....
因為怕塞車, 所以我地4點鐘就返到酒店拎埋行李搭的士去機場喇!!!由酒店去機場, 坐的士都只不過係THB325 咋. 比起之前其中一個的士司機quote 我地THB 450 平O左好多呀!!!差 D又俾人搵笨喇....
去到機場, 第一件事梗係將D 行李過磅啦....一直都好擔心會overload, 幸好,有驚無險, 仲有大把limit 呀!!!!
寄完行李仲有好多時間剩, 入去禁區四圍行下先....點知, 一D 都唔吸引, 見到有boots 啦, 望下D 價錢, 唔抵O既, 出面買平D, 有D 貨出面shop做緊discount, 呢度唔無平.
最後O向duty free shop 見到有Divana counter, 買O左兩支handcreams, 一支自用, 另一支俾花師奶........差唔多夠鐘上機, 阿媽先至出聲叫話買芒果糯米飯, 話要帶返香港俾佢兩個仔女食喎....真係麻煩呀!!!一早O向Gourment Market 果陣又唔買, 要留到last minutes O向機場貴O既時候先O黎買....激死我喇!!!!
呢D 就係同阿媽去旅行O既唔好處喇......總係O向我唔想買O野O既時候, 就出聲叫買O野.........
呢班機超full 呀!!!!!坐滿晒!!!!我地將近返到香港O既時候, 由於香港機場太繁忙喇, 令到我地架機O向空中要兜下圈先可以landing.....最後搞到delay 呀....
而且出行李又好慢喎. 等O左好耐好耐先出到閘呀!!!!
出閘後趕住去搭尾班車返屋企呀!返到屋企都已經凌晨一點幾喇......
短短O既5日4夜曼谷之旅就完結喇!!!!!希望好快有機會再去啦~~~~~
沒有留言:
張貼留言