經過尋日先游水, 後食早餐, 搞到差唔多last order 先去餐廳食, 所以, 今日就改一改schedule, 先食早餐, 再游水.
今日食過返尋味, 再order egg benedict. 另外, 見有香檳, 幾大都要扮下O野, 飲番杯champagne 襯下D parma ham 至得!!!
(日日都食咁豐富o既早餐, 食多幾日實變肥婆!!!)
(經過 lobby, 又要影下D 花花先)
食飽飽, 就係時候返上房換泳衣去游水水, 曬下太陽喇. 今日比尋日晏, 所以無咁凍, 我都游得舒服D, 事關我係一個無體溫O既人, 一般情況下游水, 我係會覺得凍O架, 除非真係有好猛烈O既太陽啦.
我地一落到游泳, 同尋日一樣, 有職員幫我地舖毛巾啦, 轉頭仲拎O左3支水, 同埋水果俾我地食o添......又係送O既?????咁點解尋日無O既???唔好理, 有O野食, 就梗係食啦, 哈哈哈!!!!
(上: 如果唔想游水, 想同陽光有更親密O既接觸, 可以去中間o既位置, 大曬特曬;
中: 呢D 太陽椅上面, 事先已經放好兩條毛巾, 一條for有客人用, 舖住張椅, 另一條for客人抹身;
下: 通常我地都會揀呢個角位坐, 偷呢度多機, 而且又近個按摩位.)
媽咪仲好貪玩咁,游上去其中一間cabana room 玩O添, 真百厭!!!! 玩O左差唔多一個鐘, 都有D 攰喇, 係時候返房沖個靚涼去行街街喇.
我地又懶, 唔想行, 所以坐車去Siam Discovery 同埋 Siam Centre, 行街街之前, 梗係要去customer services counter 拎張discount card 先啦, 唔理買唔買O野, 但係都拎O左先嘛, 無蝕底呀!
當然有去Loft 行下啦. 不過, 我地一樣O野都無買呀, 一來價錢唔多吸引, 二來, 款式又係唔多O岩.
既然呢兩個商務無乜o野好行, 我地穿過Digital Gateway, 呢度主要係賣電子產品多, 但係價錢同款式唔夠香港平, 靚, 正....
(路過有人叫買O野食, 不過, 味道一般O既墨魚丸)
之後, 再去行埋Siam Sqaure, 呢度係由好多小街仔組成, 有D 似東京O既吉祥寺咁,幾有特色 可惜, 唔係太多舖頭開. 連有好多人介紹O既mango tango 都搵唔到, 好無用呀!!!!!想去試下芒果糯米飯都唔得, 真失望呀!!!
行到咁上下, 我地又返酒店喇, 經過Siam Paragon o既food court又有人忍唔住, 話要去買O野食喇.......
今次買O左一串魷魚同埋一塊燒魚返房食, 不過, 味道一般.
由於我地make O左appointment 4點鐘去做spa, 所以, 都唔好行咁遠, 就決定落去lounge 度, 睇下人唔人多, 唔多人就食tea, 多人就去 Siam Paragon o既food court 食O野啦. 反正, 尋晚試過個豬脾飯都幾好味, 其他O野應該都唔錯O既.
(返到房, 又見到是日welcome fruits, 又係一D 我唔食o既生果, 今日係山竹, 不過, 呢樣小倫鍾意食, 好過尋日O既火龍果, 我同佢都唔食O既)
可能今日有D 微雨, 所以少O左人出去玩, lounge 入面坐滿人, 我地唯有行plan B, 去food court 食O野啦.
食O野之前, 要先去food court card counter買張card, 我地先入200 Bath, 買o左一碗魚蛋粉, 同一碟豬脾飯加腸, 加埋都只係THB 125, 港幣30蚊多D 就有兩碟O野食, 真係好抵.
填飽個肚, 我地返酒店叫的士喇. 今次呢個bell boy 好醒目呀, 我只係俾個地址佢睇, 佢就已經知道我去邊間spa 喇. 真叻仔!!!
沒有留言:
張貼留言