不過, 最近, 麵包機成為身邊O既人O既熱門話題之一, 搞到我個心又再"羅羅鬈"喇.....
基本上, 我係好想買市面人comment 較好O既象印麵包機, 但係, 貴為寒底組O既組員, 梗係唔捨得買咁貴啦. 但係, hsbc 信用卡依家又無得用獎賞錢平平地換部kenwood 麵包機玩下喎, 如果出街買, kenwood 都要差唔多千五蚊, 一D 都唔俾象印平....
加上, 連我地同事都心郁郁想一齊買麵包機喎, 鬼咩, 報紙講到市面上D 麵包咁恐怖, 我D同事個個都係好媽媽, 平日已經買有機食品俾佢地D 仔女食, 所以, 佢地好自然對麵包機充滿興趣喇....
上星期, 我地大阿姐同我地一齊吹水O既時候, 討論開麵包機啦, 原來佢屋企有一部kenwood BM250喎, 佢話已經唔用O架喇, 因為佢老公同女鍾意手搓麵包多D. 當然啦, 手搓麵包一定好味過機搓啦, 不過, 我份人咁懶......佢話搵日叫工人拎部機返公司俾我拎去玩啦....
點知, 大阿姐個工人真係今日拎部麵包機上O黎office俾我喎, 真係估唔到大阿姐記得喎.....
於是, 我整個下晝都身心興奮喇....努力上網去參考下人地點樣整麵包喇.Facebook 有個group 係一班用麵包機O既人一齊分享O既, 佢地好好人呀, 當我迷惘唔知臨時臨急點買高筋粉同埋酵母之際, 佢地好落力咁教我, 真係好開心...
所以, 一放工, 就拎住部機返屋企喇......部機都幾重O架, 好在小倫O向巴士站接我咋, 等我連由巴士站行返屋企O個5分鐘路程都唔駛拎得咁辛苦. 食完飯就去百佳買齊材料就開工喇...
(時間關係, 只可以去百佳買材料, 所以唔能夠斟酌有無買貴o左)
第一次用, 真係又輪盡, 又失魂呀!!!!竟然連開機先, 定落材料先又唔知, 放晒材料開機先醒起唔記得落olive oil, 唉.......不過, 麵包機真係好方便, 只要量好份量, 放晒入部機度, 再set 好program, 等時間過就得喇.....
話晒第一次, 好奇心爆棚O既我, 梗係唔會set timer等聽朝起身收成啦......我全程望住部機郁, 好得意呀!!!
呢個就係我的第一個homemade 方包喇......
由於係新鮮出爐, 好香麵包味呀!!!等凍o左, 就可以切開一片片喇......試下食先.....味道都ok, 有牛奶味, 唔甜.....
沒有留言:
張貼留言