綠茶麵包 + 迷你腸仔包

古語有云, "新c 坑有三日香", 貪新鮮o既我, 經過上次o既牛奶白麵包受到同事o既正面o既comment 之後, 又再計劃整第二款喇....

當中有人suggest 綠茶麵包, 一於又試下啦, 事關呢款比較容易, 而且屋企又有上次咩咩送俾我o既綠茶粉.

星期六晚, 去完沙灘玩, 雖然已經好攰, 但係又手痕, 決定快快手整麵包啦.

不過, 又係差唔多十點先開機, 結果, 等埋出爐, 放涼, 切包, 又兩點幾三點先瞓喇....



今次o既材料, 同上次o既牛奶白麵包, 差唔多, 只係加o左雞蛋同埋綠茶粉.

製成品, 我同小倫就覺得唔係好夠色, 而且味道方面, 覺得一般, 不過, 我地自己o既 comment 唔能夠作準, 因為平時我地都唔食綠茶包o既, 下次試下加埋紅豆試下先.

事後經同事們試味, 佢地提議應該減少綠茶茶葉o既份量, 因為茶葉令到個包帶有少少苦澀味,不過, 就有好香o既牛奶味, 同埋綠茶粉o既份量都夠喎, 糖o既份量就可以加多少少都ok.

另外, 星期日晚, 食完飯又完開工, 試下整腸仔包喇, 因為o向facebook 見到d 高手整得好靚呀!!!!好想試下.

因為要煮飯o既關係, 搞到好夜先至開工, 由於腸仔包o既過程比起之前整o既方包繁複, 所需時間亦都較長, 所以今晚又要整到兩點幾先可以瞓. 不過, 真係好好玩, 有麵包機o既幫助, 最麻煩黏立立o既步驟有麵包機代勞, 自己要做o既只係等, 同埋做簡單o既捲腸仔步驟.


可惜, 我個焗爐火力較其他爐猛, 所以出現有overcook o既情況, 影響o左製成品.

幸好, d 同事o既comment 都好好, 話味道都做得好似街買o既咁. 下次再努力, 減低火力同控制好d 時間先. 當然, 外型方面, 都要改進下.