原因係都無乜機會行街, 大部份O既時間都主要係觀光, 只有間中領隊哥哥會帶我地去行下supermarket, 買下水同零食之類.
除此之外, 主要原因係所到之處都係做遊客生意O既"謀人寺", 尤以布拉格為甚, 閒閒地一張postcard都貴過你O向Paris或者 London 買, 相比之下, 你會發現 Paris 同London D O野仲平D O添.
我地只係買O左咁多O野咋!!而真正屬於我地O既, 唔算好多.
好奇怪, 好多人氣手信我地都無買, 例如o向Karlovy Vary溫泉區, 好多人都會買盒溫泉餅, 原因係大大盒, 又平, 只不過係EUR2-3一盒, 真係抵到爛, 不過, 味道只係一般, 所以我地放棄佢, 唔買, 無謂阻住我個suitcase. 另外, 奧地利通街都係O既莫札特朱古力, 我地都無買, 又貴, 而且太甜, 唔通買完返O黎送俾人, 仲要俾人彈咩, 又慳返.
但係, 匈牙利鵝肝醬就係咁易買O左兩罐, 返O黎同屋企人試下喇. 唔係寒底, 所以只買兩罐, 只不過係因為屋企人都唔好食呢D 高膽固醇食物, 一於少吃多滋味啦.
講到心水推介O既手信, 一定係呢隻"Giotto"朱古力, 呢款朱古力係金莎朱古力O既同門師兄弟, 味道無金莎咁甜, 細細粒, 有D似麥提莎, packing 一般都係一pack有4條, 我地O向Salzburg 買, 應該德國都有, 不過我地O向德國無時間行supermarket, 所以唔知德國賣幾多錢. 講起就好笑喇, 話說, 呢款朱古力係我上網睇人地O既blog 得知佢O既來歷, 點知, 領隊哥哥竟然O向車上介紹喎, 於是大家一去到supermarket就狂掃呢款朱古力喇....我地好辛苦, 至買到少少返O黎俾公司俾同事做手信.
另一樣值得一提O既手信就係O向 Budapest買木盒仔, 叫做secret box, 賣俾我地O既婆婆話係handmade O架喎, 係當地民間工藝品, 好得意O架, 有機關, 唔係直接打開個木盒仔O架, 要用下腦先得......不過, 咁複雜O既設計, 當然都唔係好平啦....要講下價至得.
(手工都幾精緻O架)
未出發之前, 一心想去布拉格買下出名O既小木偶同埋水晶啦, 點知,.......失望而回. 最後只買O左兩個小木偶送俾人.
雖然今次旅程唔係買到好多O野返O黎.......而且, 我地目標只係睇風景影下相, 唔係shopping團, 我無咁on 居居, 坐咁耐飛機為O左去shopping, 咁O既旅行方式唔係我杯茶. 所以, 睇到咁靚O既風景, 乜都抵返曬啦.....
沒有留言:
張貼留言