北海道牛奶包 - first attempt

尋日開始, 敏敏開始放產假喇, 所以就暫時搬返o黎大埔住. 等佢安頓好, 我地一齊去迎喜飲個中午tea 喇, 哈, 估唔到我地埋單走o既時候, 見到kiu 妹同kiss 返大埔同佢老爺奶奶飲下午茶喎, 真係"橋"喇!!!

跟住, 我地又再滾水淥腳返屋企喇. 因為我地想整麵包俾敏敏聽日做早餐呀!!!可惜, 整麵包呢樣o野, 並唔係你心急, 想快就得. 一定要預時間俾個麵糰發酵.

今次, 我想試整o既包包叫做"北海道牛奶麵包", 因為我怕死, 驚有輻射, 唔敢用北海道3.6 牛奶, 只係用普通o既屋仔奶就算啦.



今次試下加湯種, 人地話加o左湯種o既包會soft d, 唔知真唔真呢?

不過, 我見好多人都係會手搓, 唔多覺有用麵包機整呢款包, 所以, 我即管試一試, 將所有材料落晒入去麵包機度, 叫麵包機幫我整.

由於時間關係, 趕唔切o向晚飯前出爐, 唯有留低麵包機自己一個o向屋企繼續焗包包, 我同小倫兩個就飛的士趕返去奶奶屋企食飯.

一食完飯, 就趕返屋企收包喇. 放涼後切好, 等小倫聽朝返工前, 拎d 包包返去奶奶屋企, 俾敏敏同bb 有早餐食啦......

唔知點解, 望落去o既texture 勉強叫ok, 包包o既結構比平時o既鬆軟, 不過, 做唔到人地一絲絲o既感覺囉. 有d失望. 事後反複思量, 可能o既原因, 一係因為我無用日本麵粉, 呢個原因就應該無辦法改善喇, 又唔係切要, 我唔想用日本麵粉囉, 怕輻射. 一係就因為我無照足人地用摺o既方法, 呢個原因的話, 下次再整呢款包o冒時候, 可以試下.

今晚長夜漫漫, 不如試多一個又係叫做北海道牛奶包o既recipe 啦. 因為呢一機包, 係預備聽日帶返公司俾同事試味o既.

結果同較早前o個機一樣, 都係失敗, 做唔出一絲絲o既效果o既texture, 但係, 同事就話食到有牛奶o既香味, 同埋好柔軟.



唯有下次再努力啦.....我o既目標係要做到Little Mermaids Bakery o個款北海道牛奶包, 人地賣$18得1/4 磅, 如果可以做到人地咁樣就好喇!!!!