工欲善其事, 必先利其器

小倫見我咁有心機同部麵包機玩, 有時都會用我facebook account 入去個麵包機新手區入面學下O野.

佢見到有人介紹個麵包切片器, 深感興趣!!!

今日, 佢趁lunch time 同同事去O左mega box 行 l love kitchen, 去睇麵包刀, 佢梗係有睇中O野啦, 之但係i ove kitchen D O野咁貴, 雖然係好O野, 但係確實out budget 喎, 扭計要買扎五百幾蚊O既麵包刀, 仲大大聲咁話"工欲善其事, 必先利其器", 我真係俾佢激死呀!!!連我Ｄ同事聽到我講電話都笑佢呀！！（我公司係坐open plan, 所以基本上係唔可以傾電話講秘密的, 人人都會聽到你講電話O架!!)



好啦, 佢都仲唔死心, 今日早O左放工, 就一個人去沙田行下city super 同log-on, 俾佢搵到facebook 人地介紹O個個麵包切片器, log-on 仲放O左一個demo 出O黎, 佢一見傾心, 就話呢個好, 結果, 一人行一步, 我俾佢買呢個麵包切片器 (明明有另一款, 其他蛋糕才料店賣緊三十幾蚊O架咋), 佢只可以O向log-on 買一把平O既麵包刀.....

有O左呢兩樣新玩具, 今晚想唔開工都唔得啦. 於是又再漏夜整包包, 今次整綠茶紅豆方包, 有O左呢個麵包切片器又真係好方便喎, 事關, 麵包O既頭同尾可以校到最薄, O徙少D, 而另外, 呢款切片器係adjustable o架, 可以揀厚切定薄切, 又真係好過O個款三十幾蚊喎, 三十幾蚊O個款係唔可以adjust  O架!!! 另外, 把麵包刀都算幾好用, 因為無用講貴O野, 唔曉分點為之好用.

值得大力推介的麵包切片器!!!

普普通通麵包刀一把, 好過我地用陶瓷刀切好多..