提子合桃麵包

今日又繼續試新o野, 就係提子合桃麥包喇. 夠晒健康呀....不過, 呢兩樣材料我都唔鍾意O架, 我都唔食呢提子乾同埋合核O既, 所以呢一機包係送俾人O既.

今次呢一機係整俾小倫爸爸, 即係我老爺食o既, 因為呢部象印麵包機係老爺送俾我o既........點都要回饋一下啦.....



反正, 我仲有麥粉o既度, 一於就整呢款俾佢試下啦.

麥粉出o黎o既效果同普通高筋粉唔同, 所以, 製成品較矮.

我今次係用跟基recipe 當中o既 Whole Wheat Bread, 用regular mode. 不過, 都係將水轉做牛奶, 當"咇咇"響就逐少加提子乾同埋合核.

整完包包, 攤凍, 切好, 又要趕返去奶奶屋企,預備幫手開飯喇.