開開心心Snoopy's World

今朝瞓醒, 接埋晴晴去食早餐.

見咁好陽光, 決定帶佢去玩. 但係又唔可以帶佢去太遠o既地方, 所以, 近近地, 帶佢去沙田o既snoopy's world 行下啦.

去到正值十二點, 曬到嘔呀!!!!不過, 小朋友當然唔會介意太陽有幾猛啦, 只要有得玩就開心.....

就連滑梯都曬到好熱呀!!!!係咁易玩o左一轉, 就氹晴晴入去行商場啦.  

原來只要o向新城市廣場o既商店消費, 憑單就可以免費坐一次船仔o架喇...於是, 我地去Zara 買o左兩件童裝 T-shirts 俾晴晴, 當然係分單啦....咁姑姐同姑丈就可以一人陪佢坐一次船仔喇.....

首先就梗係姑姐, 我, 陪佢玩啦.....佢第一次坐船仔咋, 所以有少少驚, 好緊張..

玩完, 已經成身汗, 所以要入商場涼下....於是, 我地就去玩具反斗城睇玩具喇.....晴晴好乖o架, 同佢行街, 佢唔會扭計叫我地買玩具俾佢o架....行過Toonsland, 見到減價, 我又忍唔住買o左條裙仔俾佢喇....佢好鍾意呀!!!

行完街街, 大家都有d 肚餓同埋攰, 所以去麥記食少少o野....

之後, 再去Snoopy's World 玩多一陣....原來3點後會免費派汽球公仔呀....我地又去排隊, 晴晴話想要花花喎, 所以哥哥就扭o左朵花花俾佢,佢好開心呀....姑丈同佢坐多一次船仔就走喇...

估唔到小小o既snoopy's world 佢都玩得咁開心!

其實, 佢都已經好攰喇, 平時佢唔會扭計叫抱, 因為佢已經大個喇, 差唔多4歲, 唔可以再抱佢o架喇....不過, 我地估佢今日真係好攰, 所以一上火車就伸手要姑丈抱佢喇.....

雖然係咁, 佢都仲未肯返屋企呀!!!仲話要上o黎我地屋企玩...妹妹已經o向我地屋企等緊晴晴喇...因為晴晴落o左order 要妹妹陪佢玩.... 要我地開wii fit plus 俾佢玩, 不過,佢真係攰得好緊要, 平時佢好鍾意玩踩單車同跑步, 佢都無力玩呀!!!係咁易玩o左幾分鐘就放棄喇...

於是, 我地就拎部selphy 出o黎, 同佢玩曬相喇....晴晴覺得好得意o架...俾佢on screen 揀返今日去玩時影o既相, 教佢按個print 制, 即刻有相俾佢拎住....

曬完相時間都唔早喇, 要送佢返屋企食晚飯喇....當然佢唔捨得啦...仲想我地陪佢食晚飯, 但係, 唔可以呀...已經跟我地出o左街一日喇, 係時間返屋企陪下daddy mummy 食飯o架喇...

今日雖然陪晴晴玩o左一日, 好攰, 唔單只佢係小朋友攰, 就連我地兩個大人服侍o左佢一日都好攰, 但係, 我地好開心呀!!!放假能夠同佢去玩, 真係開心...