不過, 都預o左要下晝五, 六點先有得拎鎖匙, 所以, 同阿媽食完brunch, 就先出去一田迫下先...
迫完好攰, 所以返屋企抖一陣, 無幾耐就收到經紀Alice o既電話, 叫我去佢公司拎鎖匙喇!!!Yeah!!!!
於是, 我就去地產公司拎鎖匙啦......一路行緊去新屋o既時候, 點知唔識趣o既香港寬頻又打o黎同我傾renew boardband d o野喎.....跟住, 又電話無電喎, 又不停有人打o黎入線, 總之就煩爆啦...
想一個人上去試下enjoy 下間屋係屬於自己o既感覺最終都係做唔到.....
結果, 就係要飛甩我阿媽, 等埋小倫放工, 連埋佢一家人同埋個油漆師傅一齊上去, 見證住呢個歷史時刻, 相當無引呀!!!!!!!!!
收樓o既興奮心情無晒!!!小倫同油漆師傅傾埋d details , 揀埋顏色, 我地就去食晚飯lu.....
食飽飽, 我同小倫就帶埋掃把, 同埋一d 簡單o既清潔用品上去新屋, 兩個人享受下間屋係屬於我地兩個o既感覺....
見成屋都係塵, 我地就忍唔住手開始掃下地呀, 抹走dd 塵先.....
係咁易掃完, 即刻覺得間屋無咁樣衰喇.....感覺好好多呢~~~
希望油完油, 入埋d新傢俬之後, 間屋會靚仔d 啦.....雖然唔知會o向度住幾耐
沒有留言:
張貼留言