石家小B 出世喇!!!

琴晚食完飯返到屋企之後, 收到格格sms 話佢入o左院喇, 聽日一早七點幾就會做手術, 開刀將佢同石先生o既小寶寶帶o黎呢個世上喇!!!

從阿sa 口中得知, 佢o既情況, 雖然唔算係大件事, 但係都有d 擔心呀!!!始終, 格格經過咁多波折, 咁難得先有呢個BB....



好彩, 今朝到公司無耐, 就收到格格o既sms, 佢地母子平安呀!!!BB 仲好健康o添!!!真係好喇...放心晒!!!!

放工, o向旺角join 埋小倫同Phoebe 一齊打的去法國醫院探格格啦.....記得上次o黎法國醫院就係婧婧出世第一日.....唔知, 下次到Phoebe o既時候, 佢又會唔會揀o向法國生呢???!!

巧合地, o向lobby 就見到好興奮o既石先生喇 !!!!咁多年都未見過佢咁開心o架, 連結婚o個日都未見過佢有咁o既笑容, 可想而知, 佢有幾high  啦...

上到病房, 見到格格都好精神呀!!!!跟住, 梗係一輪咀咁問佢o既生仔過程啦. 佢揀半身痲醉, 所以阿B 出世o既時候佢係清醒o既, 但係又唔痛喎, 聽落都幾good...但係開刀之前, 都要打兩支針, 一支o向手, 一支o向背部, chur, 開刀都要o向背部打針, 咪同無痛分娩一樣, 只係自己唔駛用力o者, 好似有d 搵苯喎......聽到要打呢支針, 我都已經驚啦....不過, 手術過o左咁耐, 格格都話唔係好痛, 都ok喎.....都唔知真定假o既....

因為佢都知我份人有幾怕痛, 所以佢一定要如實咁講我知啦, 呢個experience o既會影響到我決定生唔生o架嘛....不過, 問埋佢開刀連住院費要幾多錢之後, 又覺得開刀又唔係想像中咁貴喎, 仲平過我上次割盲腸50% o添......

當然啦, 如果要我生BB, 我梗係想住私家醫院啦, 起碼環境同service 好過政府先啦, 又唔駛呢頭生完B, 第二日就俾人叫出院.....除o左怕痛之外, 我最怕就要萬一有o左BB, 又唔飲得咖啡, 仲會俾人迫我食d 我唔鍾意食o既o野喎, 諗起都想發脾氣呀!!!!

傾完一大輪, 要走lu.....不過, 今日見唔到阿B 呀, 因2要8點先有得睇, 唯有下次去屋企探佢地先再見下阿B 啦.....

希望石小B 能夠健健康康, 快高長大, 開開心心啦!!!!