一年一度緊張又刺激o既股東會終於又無驚無險咁過去喇!!!!今年由於改o向ground floor 做人流管制, 所以我地7樓o既人間地獄唔駛出現人山人海, 行都無位行o既情況, 不過, 依然係群情洶湧呀, 同d 股東講o野都講到口水乾呀!!!
好唔容易終於捱到散會喇!!!今年總算秩序良好丫, 又無乜麻煩o既股東o黎搞搞震無幫襯喎!!!希望年年都係咁就好喇!
終於有時間坐返埋位喇, 今日又係出糧o既日子, 上intranet check 下payslip 先, 嘩, 點解多o左錢o既?! 睇清楚先, 唔係OT 錢o黎o架喇, 點解有一項叫做cash award o既?! 都唔算太少錢o架喎, 有半個月人工o架....一於拉埋我阿姐問下乜事先?
佢話喎, 呢份cash award 每年都有o架, 不過就唔係人人都有, 仲要唔係佢propose 俾dept. head, 係dept. head 自己揀幾個staff 俾HR nominate 呢幾個人有呢份award. 我有份連我阿姐佢都唔知o架, 聽完我咁講, 佢自己都立即埋位check 下先....哈哈.
雖然錢唔多, 但係我好開心, 原因係証明dept head 係知道我o既存在, 同埋相信我o既能力, 我係有咁o既實力o架, 而唔係靠我同阿姐熟o既關係先有!!! 唔好睇我平時好似我得閒, 可以上網同人傾下計, 做自己o野, 其實我都真係有o野做o架, 只係我手腳快, 準確度高, 所以能夠好快咁做完我o既o野咋....
今年都確實算係豐收o既一年, 除o左舊年升完職加o左人工之外, 跟住又有special bonus, 三月又有一份大大o既annual bonus 喎, 再加上呢份cash award, 真係唔錯!! 如果今年年尾再升多一次職就真係perfect 喇!!! 等我再努力下先!!!
沒有留言:
張貼留言