煮飯仔 - 11

今日我繼續放假, 而小倫都放一日annual leave 陪我呀, 真乖仔...

其實, 今日我地都無特別去邊度行街, 只係想休息下.....

食個brunch 就出去旺角行下街, 四圍睇下d 地板, 傢俬咁, 最後仲去埋設計公司趁個designer 未出2nd draft 俾我地之前, 再詳細傾多一次先, 因為睇完1st draft我地有d 櫃o既呎寸同間格去略為adjust 一下, 費事人地畫好o左, 我地先出聲話改啦, 一來o徙人地時間,二來又o徙人地心機, 雖然佢地係收o左錢要做o者, 但係都唔好咁衰啦, 明知要改, 可以早d 講就講囉.....大家好做.....

傾完見仲早, 不如就返屋企玩煮飯啦.....琴晚餐飯俾小倫話唔多好嘛, 一於今晚就佢煮, 唔好煩我啦......

於是, 今晚有兩樣o野都係同琴晚一樣o既, 不過, 佢又真係煮得唔錯o既.....

除o左繼續有冬瓜粒湯同埋咖哩雞翼之外, 仲多o左樣炒粒粒; 呢樣粉粒粒都好豐富o架, 有青瓜, 粟米, 腰果, 仲有瘦肉o架.....

不過, 小倫煮o左飯, 今晚又要我洗碗呀!!!慘慘~~~~