Facebook o既威力, 真係勁!勁!勁!!!

話說今日係阿餅生日, 咁大家都o向佢facebook o既wall 上留言啦, 見到蘭子又話佢生日喎, 已經睇到我R 晒頭啦, 明明佢係5月生日, 點解又會話今日係佢生日o既呢~~~

Lunch time 終於忍唔住打俾佢問下啦, 哦, 原來佢係農曆生日!!!!咁問佢地兩pairs 今晚有乜搞作啦, 佢地都仲未諗到去邊度食, 咁我就叫佢地預埋我地兩位啦....




傾傾下, 大家都覺得反正都係食飯, 不如試下facebook 問下有無其他members 都出席啦....Oh, 唔駛一個下晝, 已經約齊腳, 十條友放工去打邊爐啦, 生日o既蘭子仲好好咁book 埋枱o添.....

可想而知, 大家o向公司o既時候, 有幾專心工作啦!!!!

由於下星期要開股東會, 所以我有好多o野要做, 最後都搞到差唔多八點先走得!!!幸好我地成班人一向都慣o左食住等o者, 唔駛要大家餓住個肚等人好慘o架嘛!!!

蘭子果然無介紹錯, 呢間酒樓o既打邊爐超抵食, $128 全包, 連加一茶芥, o岩晒我地成班大胃王呀!!!

死唔死, 成班人食到已經飽飽o架喇, 仲去許留山食多round 甜品先散水呀!!!!

不過, 總之成班人一齊, 講下無聊o野, 食下o野, 真係好開心!!!!

最後, 同阿餅, 蘭子講多一次Happy Birthday!!!希望佢地每日都咁開心!!!