一直小倫都proposed 話不如, 買過部notebook 俾我用啦, 平平地, 6-7千都夠我用啦, 但係, 老套o既我, 唔太習慣用notebook, 總係覺得notebook o既keyboard 唔夠手感, 而且, 寒底人又會諗我個mon 好地地又無事, 買部notebook 返o黎, 我個mon 咪會o徙o左囉......
問題一直都諗唔到解決辦法, 直至到小倫提議, 不如, 佢唔買部咁貴o既notebook 啦, (P.S. 佢因為工作需要, 要換過部notebook, 以往一直用開Sony, 但係佢又要輕, 又要config o岩佢用, 下下都要萬六七, 有d 唔捨得) 將佢買一部notebook o既價錢, 買兩部啦, 佢買部平平地o既, 咁就可以買部依家好興o既netbook 俾我用!!!我有部咁細o既機, 就方便我帶部機出街, 或者返公司, lunchhour 打機, check email 啦....
有部細機, 當我懶, 唔起身o既時候, 又可以o向睡房上網喎, 超方便呀!!!至於,依家部desktop就keep 返o黎做server, backup 同埋我打機用, 不過, 當時會加少少錢換過個harddisk 啦......
決定o左之後, 就不停咁揀買邊部好喇.....最後兩強, 淨返HP 同Samsung 啦, 講外形, HP 唔錯o架, 夠cool, 襯返我一貫用黑色o既要求, 但係考慮到個mon o既比例較長方形, 怕睇唔慣, 最終都係Samsung 勝出啦...Oh, 仲要買白色o添, 突然間好女仔o添.
揀好款, 就到價錢喇, 本著"寒底人"o既宗旨, 一定要格下價啦!!!!一直都係PCCW o既價最抵, 但係我又唔想俾錢李公子賺喎......今晚終於俾我等到喇!!!!
放工o向尖沙咀同小倫行緊街o既時候, 敏敏打o黎話百老滙減價呀!!!!於是, 即係去旺角啦!!!!最後, 梗係順利帶個新玩具返屋企啦.....
小倫都唔執輸, 佢都買埋部notebook 部自己呀!!!!
我地一黑一白, 襯返我地間屋呀!
沒有留言:
張貼留言