一大一小的生日飯局 -- 尖東小南國

今日雖然係清明節, 難得大家都唔駛去拜山, 所以就約埋4月1日生日o既Phoebe, 同埋3月30日生日o既婧婧一齊慶祝生日啦.....唔知係唔係因為清明節o既關係, 今晚食飯好難book 枱呀, 又要唔好咁嘈, 又要方便泊車, 搞o左一段時間, 終於決定去尖東小南國食啦!!!




開飯前, 我同小倫先去土瓜灣行下傢俬舖啦, 因為我地考慮緊好唔好換過張梳化床呀, 方便有客人o黎留宿嘛, 我地又唔想買IKEA 果d 喎, 一來覺得個價錢唔係抵, 二來IKEA o既quality 實在唔好, 梳化呢d o野講舒服o架嘛, 唔可以太求其o既. 可惜, 或者因為經濟差啦, 好多傢俬舖都執晒呀!!!!所以, 都無得好行, 我地就去o左行Harbour City 啦....

先去行下Page One, 因為要買生日禮物俾婧婧呀, 唔想成日都只係買衫呀, 玩具呀, 有少少教育意義好d, 而且阿sa 話婧婧都好鍾意睇書, 就買本story book 俾佢啦!!!!

跟住, 我地兩個就走o左去Haagen Dazs 食雪糕呀!!行到咁攰, 而且又有coupon 喎, 梗係去食雪糕啦. 今日有個offer 好抵喎, 叫Happy 3, 一杯雪糕可以滿足3個願望, 每人可以揀三個唔同口味....

左邊呢杯係我o既大人口味: 綠茶, 咖啡軟心同埋Baileys;

右邊呢杯係小倫o既人朋友口味: strawberry sorbet, strawberry, cookies n'cream.

食飽飽有力就繼續行下TST, 差唔多時間就早d 上去小南國等佢地喇....無幾耐就齊人啦, 點好餸就送禮物喇!!!

因為小朋友o既關係, 好明顯大家o既focus都係落o向佢身上啦, 睇下我同小倫送俾佢o既Disney story book, 佢幾鍾意!!!婧婧好叻o架, 佢分到唔同o既公主, 佢真係好留心咁睇o架!!!佢掛住睇本書, 連Phoebe 送俾佢o既hello kitty 裙仔, Dorothy 送俾佢o既hello kitty 背包, 都無望一眼呀, 哈哈哈哈!!!!

下次我地o既生日聚會(即係我o既生日呀!!!!), 就會有多一名成員喇...因為Dorothy 5月尾就到預產期喇!!!