久違了的夜釣墨魚 - 白果篇

今日一早起身, 見到落大雨, 加上又懶, 所以推o左同阿媽, 唔同阿媽食早餐啦, 真係好衰!!!!

跟住, 我地兩個o向屋企me me mor mor, 打陣機, 終於要出發喇!!!!

o向尖沙咀同一眾墨魚之友見面之前, 我地先趕去百利行個圈....因為上次去北海道honwymoon o既時候認識到Leo 同Fiona 兩公婆, 佢地最近o向百利開o左舖呀, 其實已經想o向佢地開張o個日去賀下佢地, 可惜最後有事做, 去唔到, 唯有今日去探下佢地啦....去到, 原來只得Leo 一個看舖喎.....佢地賣BB 衫o架, 一場o黎到, 梗係要幫襯下啦, 我買o左件好cute o既牛牛衫俾同事個bb 女....傾o左一陣, 我地都夠鐘要走人lu....希望佢地生意會好啦!!!!

去到harbour city, join埋小花, miu miu 餅餅同埋蘭子Frankie, 仲有miu miu d 同事, 我地就一齊去惠康入貨, 之後再兵分兩路, 小倫, 小花同阿羊, 琪琪去買外賣炒粉麵, 我地一班人就去五支旗杆等埋其他人.....準時七點半就上船喇.....




好耐無見過關太喇, 估唔到佢仲記得我地成班人喎, 哈哈!!!!鬼叫近年油價上升, 令到出海o既cost 大增, 我地free units & friends 因而減少o左出海o既次數lu....

一上船就梗係食o野先啦.......今晚因為時間關係, 我地唔夠時間煮, 唯有食住呢d o野先啦...
係唔係好壯觀呢, 呢度有$150 o既三寶呀!!佢地去買o既時候, 個阿姐仲唔信佢地一次過買咁多o添!!!)

同場加映, 同餅餅慶祝生日呀!!!

食飽飽就開始釣墨魚喇...可惜, 今晚o既天氣太差lu, 又大風, 仲要落雨喎, 搞到都無墨魚上釣呀!!!!大家唯有o向船上傾下計, 唱下歌,打下麻雀啦.......

最後, 大家都有得食美味o既墨魚, 因為關太事先已經預備o左少少墨魚俾我地食呀!!!So nice!!!
上岸後, 仲有老外幫我地揸機影大合照o添!!!