Annual Review

琴晚, 我差唔多執袋走人o既時候, 阿姐叫我入房喎, 唔知乜事呢....

chur, 原來又係做極到無聊o既annual review 呀.....Appraisal 呢家o野, 由我當年做HR 開始, 我就已經覺得係世界上無聊幼稚到極點o既行為...完全係浪費時間心機呀!!!!根本, 所有人都係為o左交功課, 又或者俾hr 有d o野做下而做o既....非常無建設性....



以我公司為例, 每個同事每年拎到o既grade, 只係由老闆根據各人唔同o既職級派出o黎o既, 即係話, 如果你只係一個信差/交員, 就算有幾出色表現, 都一定唔會拎到最高分o既...高分一定係留返俾o個d 經理/律師o既.....

又或者好似我以前做過o既一間公司, 做完appraisal o既結果, 一樣係無影響o既. 有無花紅出, 有無加人工, 完全係由大老闆話事, 咪又係o徙氣.

所以, 同阿姐一坐低都無乜o野好傾lu...反正張form 都係寫o個d o架啦, career development 亦都唔會有任何變化, 做我呢行, 來來去去都係做同一樣o既o野o架啦. 好快, 我就簽o左名lu.....佢就話grade 未出, 等大老闆派o左出o黎, 再講返俾我知喎....我咪答佢囉, 事但啦, 都係得o個個grade 啦, 反正今年都唔會有人工加, bonus 有o既機會亦都微乎其微, 如果係舊年就話o者, 相差一個grade, 份bonus 差1.5個月人工, 就話要bargain 下o者.

不過, 最後, 阿姐都有放風話我知, 佢同大老闆propose 我今年有promotion, 大老闆答應o左, 但係未知邊個月喎.....於是, 我又同阿姐講, 吓, 我預o左今年會有o架喎, 今年無bonus 嘛, 有promotion 好應該丫, 而且我o既學歷高過隔離team o既人, 好應該同佢地咁高咁大.

每個月頭都係希望o既開始...

可能, 繼續係失望o既開始