今日係我地o既好朋友 - 蘭子同Frankie o既好日子呀!!!原先, 我一早就答應o左做蘭子o既姊妹, 可惜, 因為小倫公公o既事, 我地唔方便出席婚禮, 無得做姊妹呀!!!!但係, 最後, 我地都答應o左出job, 小倫去做part-time cam man, 負責影snapshots, 我就去做大打雜, 即係去幫頭幫尾, 睇下各人會唔會有o野做漏囉...就係咁, 好好彩地我唔需要o向只得10度o既溫度之下, 著住薄如蟬翼o既姊妹裙呀!!!
由於, 我地個的士司機唔識得o黎大埔, 又唔識路去葵涌, 搞到我地遲到o添..好在, 我地遲o左15分鐘, 都可以係最早到o既人o者...
一去到蘭子已經化緊妝lu....小倫亦都開工, 四圍影下相啦, 我都要了解下各樣物資, 遊戲啦....
今日玩o既遊戲非常creative, 唔會係o個d 千篇一律o既o野, 就係要Frankie扮學生, 答下問題, 好有趣呀!!!!由於我唔係姊妹o既身份, 我就可以負責keep 時候, 不時提點下d 姊妹, 仲有幾多時間啦, 又可以俾少少tips 伯母, 教下佢斟茶o既情況啦...
玩完遊戲就順順利利斟埋茶, 就過男家了...
因為男家唔算多人, 我地一眾人等就可以去放飯了, 食飽飽就出發去紅磡伊甸園Hall 28 喇....講起伊甸園真係火都o黎埋呀!!竟然delay 喎.....之前o個一對要overrun, 令到我地唔能夠on time 開始, 雖然蘭子同Frankie 唔係話一定要跟吉時註冊o者, 但係, 我覺得伊甸園佢地咁做好過份囉....
於是, 小倫咪同佢地o既staff 理論囉, 覺得even 補番足夠時間俾我地都唔係幾好嘛, 令到下一pair 人一樣被postpone...
註完冊, 一對新人同埋向兄弟姊妹就去紅磡o既漁人碼頭影外景, 影完大約五點就齊齊去鑽石山聯邦喇.....
雖然已經好肚餓同好攰, 但係唔可以偷懶喇, 要協助set up reception 啦, 跟進wedding cake 係唔係已經送o左o黎酒樓啦, 同酒樓o既staff 夾下rundown 啦.....
安頓好一切, 專業o既攝影師亦都返到o黎酒樓o既時候, 就係我同小倫極速去麥記醫肚先.....
相信每個婚禮o向開席前一定都有同樣o既情況喇, 時間愈來愈緊迫, 但係仲有部份o既親戚朋友未影相, 新娘又夠鐘入去換妝喎.....o個時, 我真係好緊張呀!!!好在, 最後都能夠順順利利開席lu......好o野, 可以坐低飲啖o野, 食下乳豬喇....食完兩啖, 又要照顧下新娘o既換衫喇...因為我地有神秘節目嘛, 所以要預備o架..哈哈...
我鍾意就係幫手做呢d 神秘節目o架喇....好開心o架.....
最後, 成個婚宴都可以o向開心o既情況之下完結真係好喇!!!!!
我地當然係作戰到最後, 幫忙打點, 收拾好所有物資, 送埋一對新人出車, 我地先收工啦....
估唔到, 仲辛苦過自己結婚喎....不過, 能夠為好朋友出一分力, 真係好開心o架!!!!!
成日都好忙碌, 無乜時候真心地同一對新人講祝賀o既說話, o向呢度要祝福佢地有個幸福開心o既家庭, 大家彼此支持, 彼此相愛!!!!
沒有留言:
張貼留言