突然飯聚 - 小南國 (沙田)

今日係年廿八, 日日都趕收爐, 但係我又無乜心機工作喎, 畫個organization chart 都畫o左一個下晝呀, 分明係唔想做, 等放工啦...哈哈...

做做下o野之際, 見到Pingu online, 就問下佢地今晚有乜做啦, 傾傾下就約不如一齊食飯啦, 我地都好耐無一齊食飯喇......

一放工, 先去旺角join o左小倫先, 因為早排去聯合睇中o左件褸, 但又唔捨得買, 小倫話, 反正佢公司仲有雙糧出, 就買俾我啦, 點知, 已經買晒lu....唯有遲下再睇啦..不過, 我都唔覺意又買多一條裙呀...

買完就要快快腳入沙田lu....

我地今晚去小南國食, 我好鍾意食小南國o架, 質素有保證!!!!

今晚, 我地叫o左: 小籠飽, 鴨舌, 麻香餅, 糖x (唔識打)魚, 糯米蒸排骨, 砂鍋雲吞雞, 水煮牛肉....最後, 仲有糖水送o添......

(因為我無帶相機, 唯有o向Pingu 個blog 偷兩張相o黎用下啦.....)

可惜, 呢間都一樣係無酸辣湯呀!!!中環o個間o既酸辣湯好好味o架!!!係我飲過最好味o既!!!所以,有d 失望o添....不過, 今次第一次試o既水煮牛肉, 好正呀!!!!

我地又係繼續傾傾傾啦....真開心!!!

最後, 因為我地趕住返屋企趁最紅星期五去百佳入貨, 十點幾就要走喇.....唯有下次再傾過啦....