晴晴半歲了~~~

眨下眼, 我寶貝O既bebe 豬已經半歲喇.....

所以, 我地又要簡簡單單咁同佢慶祝下, 其實都只不過係買個蛋糕返O黎, 我地一家人切下咁O者.....

6個月O既晴晴已經大個O左好多喇, 有少少唔捨得佢大得咁快O添........

半歲大O既佢, 最鍾意就係食佢自己隻手指公 同埋牙膠, 百厭O左, 識得四圍爬, 亦都開始試食米糊喇, 亦都同之前一樣, 都係唔多鍾意食奶奶, 一口氣唔會飲得完一支奶. 總括O黎講, 暫時都仲係屬於好湊, 未會認人, 唔會成日喊.

另外, 好在, 直到依家, 佢都仲好痴我, 唔知再大個D O既時候, 仲肯唔肯痴住我玩呢???