新玩具 - 壓麵機

今日又係永安大減價, 所以趁 lunch hour 去熱鬧下.

每次永安大減價都人山人海, 迫迫迫, 但係, 我總係覺得人迫迫, 好似好熱鬧咁, 好好氣氛, 所謂 "唔買, 都睇下丫嘛", 所以, 我咁寒, 都會去趁下墟.

基本上, 每次永安減價o既特價品都係大同小異O架喇, 所以我好小會專登大量入貨.

今次, 俾我發掘到新O野!!!!

就係 ---  壓麵機喇!!!!

早一排, 睇上一季"煮角" O既時候, 煮角們有教D 小煮角整pasta, 好似好易整呀, 睇到我心癢癢, 又好想學喇.

之前格過其他shops, City Super 都有得賣, 都係貴呀.

估唔到, 今次永安大減價, $498咋!!!! 仲送曬麵架O添呀!!!呢個爛鬼曬麵架, 無電影框O既時候, 賣成$159 O架.....至於部壓麵機, 要$798 O架....

真係唔買好似對唔住自己咁喎.....

打個電話同小倫拎O左approval 之後, 好O野, 即刻拎貨, 俾錢!!!!

放工, 急不及待要開箱, 同我個新玩具溝通下喇....

可惜, 事出突然, 未趕得切去買durum wheat 麵粉O黎試機O添.

唯有用住普通麵粉同佢"乾洗"下先~~~

今次唔駛5百蚊就買得心頭好, 真係好開心, 仲要係made in Italy O添!!!

不過, 呢部機唯一O既唔好處就係唔可以濕水呀.

第一次試玩後, 覺得真係好易用, 但係, 尚要多多練習探討箇中技巧.