偏離完原有行程之後, 我地要重踏正軌喇......繼續依照walking route no. 2 行. 途經National Museum, 不過, 時間緊迫, 無入去參觀呀.
沿住Mannerheimintie 行返去Forum 搵飯食.
(呢一座係Parliament, 好似都係英國O個座靚D
)Forum 係一個shopping mall, basement 係food court, 有唔同種類O既O野食, 價錢算係平O架喇, (當然係以Helsinki O既living standard O黎計啦, 同香港比, 一定係貴過香港好多O架喇)
行O左成個上晝, 之前豐富O既早餐已經消化得七七八八喇, 係時候醫下肚至得喇.
小倫order O左一個pizza, 加一杯可樂, 我就order o左一份三文魚, 唔知係唔係肚餓o既關係, 兩樣o野都幾好味喎!!!!
總好過要我俾8.7歐羅食所謂o既buffet中國餐啦....見到都唔想食呀.....
各位想"食平D" o既話, 不妨考慮下呢個food court!!!不過, 如果要食dinner, 就要早少少o黎喇, 呢度7點就收檔o架喇.....
今朝出門口之前, 我地已經做好o左check-out手續, 同埋安排leave luggage, 所以, 我地食飽, 就可以行返去酒店, 其實即係酒店對面之嘛, 過一條馬路就係, 拎行李, 轉酒店喇. 點解要咁麻煩, 留o向Helsinki短短3日2夜, 都要玩搬酒店? 咪因為個"錢"字囉....加上, 其實我地o向Helsinki都係無乜特別o野要做, 咁多時間, 於是就玩下轉酒店囉. 而且, 知道我地今晚入住o既酒店Glo Hotel Art 係o岩o岩新裝修好, 又聲稱話以前係古堡喎, 一於貪得意住下.
Google map話兩間酒店o既距離只係相差15 mins 腳程, 不過, 唔知係唔係因為推住D行李太重, 而且D路又係石仔路, 所以好似行O左好耐咁, 仲好辛苦O添呀!!!
(兩條直路之嘛, 都好似行O左九丈咁遠咁)
酒店o既checki-in手續好簡單, 俾 hotels.com 張 booking confirmation, 同埋credit card佢地, 就搞掂可以上房喇.
果然係newly decor, 整體都好新淨, 不過, 有D 九曲十三彎, 但只要跟足指示, 都好容易搵到自己間房o既. 呢度分o左幾個blocks, 保安好嚴密, 由一個block去另一個block, 一定要用room card 開鎖.
今次間房明顯比尋晚O個間細好多, size 大約同英國o既酒店差唔多啦, 不過, 可能係因為我地揀O左smart room, 如果住standard room 應該會大少少.
由於已經行O左一朝早, 所以要休息一下先可以繼續行程.
抖夠喇, 我地要向下一個景點進發!!!!就係西貝流士公園 Sibelius Park.
由Glo Hotel Art 行去, google map 話行半個鐘, 不過,我估我地行o左無一個鐘都有九個字喇, 真係行到腳仔軟, 最衰我懶啦, 無事先search 定應該坐乜O野巴士去, 不過, 行下都唔錯, 可以feel 下人地住宅區o既環境. 之但係呢度又真係"鬼影都唔多隻"~~~~~想沿途搵下巴士搭都無.
終於終於, 我地到達Sibelius Park 喇!!!!o向呢個公園有乜好做? 點解要行到腳仔軟o黎呢度? 原因好簡單, 因為我地係o黎搵Sibelius Monument. 咁阿Mr Sibelius 又係乜水? Sibelius 先生係Finland o既著名作曲家. 所以芬蘭人就起o左呢個公園紀念下佢喇. 至於整個公園o既特色, 就係呢個由600幾支o既鋼管有D似波浪形o既Sibelius Monument, Sibelius Monument我估應該係Helsinki 其中一個最出名o既旅遊點喇, 事閞好多時我地睇人地join 北歐旅行團o既相, 都一定會有呢個公園o既相.
我地就梗係唔放過佢啦, 一於同佢影飽相至捨得走人啦. 時值黃昏, 開始日落, 寧捨浪漫. 玩O左四個字, 我地就走喇. 如果我地唔係咁晏至到, 其實貪心o既我仲想去埋伴侶島. 雖然夏天已過, 伴侶島已經關門大吉. 順帶一提, 如果大家想6月o黎Helsinki, 就不可以錯過仲夏節喇, 好多o野睇, 好熱鬧O架....
(醉人的日落, 話時話, 一收O左太陽, 其實都有D 寒寒地O架)
之後, 我地又原路行返去中央車站o個邊, 四圍行下D商場, 不過, 北歐人o既生活實在太悠閒, 加上今日又係星期日, 所以無乜舖頭開, 就算有開, 都已經closed O左lu......與其漫無目的咁四圍搵o野食, 不如早D返酒店休息啦. 即使身體已經無jet-lag, 但係對腳仔都要俾佢地休息下, 佢地仲有好多日辛苦O架嘛. 而且, 小倫又唔係幾舒服, 所以, 今晚就求其簡簡單單食由香港帶o黎o既杯麵就算喇.
沒有留言:
張貼留言