-----------------------------------------------------------------------------
今日又要繼續做隻早起的鳥兒喇.....因為我地今日要去Husavik 觀鯨!
今早6點就起身喇, 首先預備早餐及午餐, 好似我地呢個trip 日日都無時間坐低安安樂樂食餐晏仔, 無法啦....鬼叫我呢個冰島旅行團行程豐富, 節目緊湊咩.....要慳返D 時間趕路丫嘛....如果係summer time O黎就好喇... 日照時間長, 大把時間慢慢嘆.
是日早餐A 係乜? 咪又係sandwiches 囉, 有ham, 有菜, 仲有雙黃蛋O添......好有營養O架.
食飽飽, 仲有時間剩, 就梗係臨別秋波, 再開個hot-tub 玩下啦....
雪櫃仲有半盒雪糕未食完, 一邊浸, 一邊消滅埋D 雪糕. 冰島D 雪糕寧舍好味~~~Yummy Yum~~~~
Check-out 手續好簡單, 由於我地8點半就要離開, reception 未開, 我地只需要將條key drop in 落去reception 外O既key-box 就OK, 非常方便.
其實O黎到Akureyri, 我仲有一樣O野想做, 就係出海釣魚喇. 可惜, 又係時間關係, 唔能夠spare 多一日出O黎join 個day tour. 唯有寄望下次重臨冰島啦....
感恩, 今日我地又係在晴朗的一天出發喇..... 由於 whale watching 10點鐘開始, 由Akureyri 揸車去 Husavik 大約要一個鐘頭10分鐘, 所以, 我地8點半就開車出發lu, 亦都要離開Akureyri 呢個美麗O既地方, 前往觀鯨之鄉 - Husavik.
由於有好多鯨魚出沒o係Skjáflandi Bay, 所以要觀鯨呀, 去Husavik 啦.....而且, whale watching 係其中一樣o黎冰島o既指定動作. 碼頭附近有個car park, 泊好車之後, 拎埋相機, 我地就快快行去報團喇. 因為已經見到平靜O既碼頭四圍都有O黎參加觀鯨活動O既遊客喇, 當中更有講廣東話O既香港人, 同埋幾個應該係來自內地O既中國學生. 雖然話依家9月唔係旅遊旺季, 但都唔好睇少遊客O既數量, 好在我地行快幾步咋, 我地將要參加十點鐘出發O既觀鯨團已經full O左喇. 有幾位要參加另外o既公司.
我地今次揀O既船家, 叫做North Sailing, 佢地俾我地出海O既船係traditional Icelandic oak boat,呢種船大部份o既時間都係依靠風力航行, 非常都有風味. 雖然, 另外隔離有間Gentle Giants, 呢間係可以坐快艇出海o既, 需知道冰島o既天氣變幻莫測, 出到海咁大風, 坐快艇恐防拋到嘔, 加上North Sailing 好似比較出名d, 又聲稱話有98% 機會睇到鯨魚, 一於別無他選呀...
行去搵店員嬸嬸買好飛就要趕快上船喇. 前先上website search 過, 參加3 hours o既whale watching tour 每人盛惠8900ISk, 唔知點解, 店員嬸嬸無啦啦俾O左個9折我, 只係收我total 16020 ISK 咋(~ HKD 1028), yeah, 又平o左少少, 冰島人真係nice!!!!經常都俾我"R"到電視框~~~
仲有10分鐘就開船喇, 上到船, 已經人頭湧湧喇, 好在我地都未算最遲, 大家都已經霸到有利位置等出發. 而我地都要快快著上厚厚o既紅黑防風防水衣. 由於我o既size 實在太標準喇, 要勞煩tour guide 哥哥幫我搵一件比較細o既俾我著, 不過, 依然都係大o左2個碼.....
航行o左差唔多成個鐘喇, 大家都係聽下tour guide 哥哥介紹鯨魚o既資料及種類, 以及大家一齊做"頭岳岳, 四圍望", 真係連眼都唔敢眨一下, 怕會miss o左鯨魚o既出現.
(Tour guide 哥哥幾靚仔O架!!! 未有鯨魚睇之前, 打下雀先!!!)
突然船長宣佈有所發現喇!!!!
於是大家都聽船長o既指示, 大家一齊望向eleven o'clock, 成船人就走埋去左邊, 大家一齊望向one o'clock, 大家又一齊走, 好得意呀. 呢個時候, 我同小倫都只係自己顧自己喇, 各自爭取較好位置影相. 雖然人人都好渴望見到鯨魚, 但係大家都好守規矩, 唔會推撞, 比起o個d 無禮貌o既強國人好得多. 我地真係好好彩, 總共見到三條鯨魚o既出現, 佢地全部都係humpback whale, 呢種鯨魚係呢個海灣最常出沒o架.....
除o左見到佢地擺尾同噴水之外, 仲見到佢地大半個身游出水面, 可惜影唔切. 但係我地都已經好感恩, 始終呢d 係野生動物, 要有幸見到, 真係只能夠靠機遇. 當然啦, 如果能夠見到鯨魚跳出水面, 就更加圓滿啦.....不過, 做人又不能太貪心.
(為O左爭取好O既位置影相, 有人選擇企高高, 有人會好似小倫咁, 盡量企前D)
另外, 雖然今日o既天氣由出發時o既晴朗天空變為陰天, 但都總算風平浪靜, 船唔會太拋, 無暈船浪. 大家都好滿意今日o既收獲, 回程船員更為我地各人預備o左hot chocolate 及cinnamon rolls, 俾大家暖下身.
(趁大家食緊O野, 休息緊O既時候, 導遊哥哥又同各團遊溫下書喇!)
上岸後, 我地返上車, 食埋今朝預備o左o既sandwiches, 小休片刻, 就行下Husavik 呢個小鎮.
(Husavik 教堂, 入面幾靚O架, 不過, 無時間入內參觀)
呢度有一間whale museum, 入面除o左有有關鯨魚o既資料, 仲擺放o左o係1969年因為蕩失路去o左Grimsey Island o既北極熊標本. 雖然冰島同格陵蘭係鄰居, 但其實都有一段距離, polar bear 要O黎到冰島, 實在唔容易, 但係, 近幾年冰島都曾經出現過polar bears O既蹤影 (2008年同2010年都有), 可見global warming O既厲害! =.="
臨走前, 我地返去North Sailing o既counter買張puffin postcard留念 (200 ISK, ~ HKD12.34), o黎冰島, 我好想見到可愛o既Puffin 大咀鳥呀, 可惜呢重雀仔要夏天先會飛o黎冰島, 所以要買張postcard 望梅止渴.
嘩, 突然條街好熱鬧, 見到好多人o係條街度行, 好似開party 咁, 又打鼓, 又吹哨子, o黎冰島咁耐, 今日見到最多本地居民, 問返店員嬸嬸, 原來今日晏d 有球賽呀, 係Husavik 對隔離鎮, 所以d人走晒出o黎趁熱鬧同去睇波呀!!!
時候都唔早喇, 已經係下晝一點幾, 去埋附近O既N1, 餵飽埋架車仔, 又要離開喇.....入一入油,又駛O左4015 ISK (~ HKD248 )
沒有留言:
張貼留言