今日可以8點先起身喇, 梳洗好, 小倫就預備早餐喇.
哈, 喺冰島O既第一餐早餐竟然係咁港式喎......就係火腿通粉喇. D即食通粉係我由香港帶O黎O既, 火腿就係尋晚O向Bonus 買O既....
食完早餐O岩O岩好9點, 我地既然身無分文, 梗係要去搵下錢先得. 於是, 我地行O左去同Apartment 相距唔夠5分鐘路程O既銀行 Islandsbannki 唱錢.
(在晴朗的一天出發, Yeah!!!! 由Apartment K行出路口, 就可以見到 "Harpa" 即係冰島O既文化中心 National music and conference centre)
睇O黎O向冰島做銀行都好似幾歎咁喎, 成間bank 都無客人, 唔似得香港O個D 咁, 日日都要排長龍....少少地, 我地用EUR 300 唱O左 ISK46,647, 滙率大約等於HKD1 = ISK 16.173.
今日O既天氣好似幾好, 個天好藍, 又無乜風, 風和日麗, 所以唔係覺得好凍. 行O向街上, 呼吸住D 新鮮空氣, 好舒服呀!!!!其實冰島大部分O既時候天氣都係麻麻地o架, 經常吹強風, D 風可以勁到好似香港8號風球咁O架, 想知D 風可以有幾勁, 上去youtube search 返之前無記O既節目 "冰天動地"就知O架喇....
唱完錢, 我地就行返去 Apartment K 等Sixt O既staff O黎接我地去攞車喇.....之但係, 我地返到去, 等O左一陣見無乜動靜, 不如行返去main building, 搵個reception staff 問下啦....
Oh, 今日呢位冰島先生唔係尋日O個個, 所以, 我將尋日交託O既事再覆述一次, 呢位冰島先生好好人, 即刻幫我地打去Sixt, 叫佢地即刻派人O黎車我地去.....等O左一陣, 就有一個後生仔O黎接我地去Sixt O既office 喇.
出示完我地O既reservation confirmation email 同埋車牌俾個姐姐仔, 確認我地o既booking, 阿姐姐仔就帶我地出外門口揀車喇. 原本, 我地online reserve O左 VW Golf 自動波. 正如其他網友所講, 你所book O既車, 去到拎車時, 未必俾到你. 我地梗係無咁幸運, 俾到架 golf 我地啦......不過, 姐姐仔話可以free upgrade 第二部車俾我地, 但係, 小倫乃係一個有10年牌O既新牌仔, 考車牌後都未揸過車, 所以, 唔敢揸架馬力大O既車, 而且, 大車又較食油....所以, 最後, 我地都係揀O左架 Chevrolet Aveo 車仔. 另外, 我地又聽取其他 bloggers O既 suggestion, 額外買多個gravel protection O既保險, 反正唔係好貴, 只係每日EUR 8, 萬一真係俾石仔片爆玻璃, 唔駛賠得咁甘. 決定O左要呢架車之後, 個姐姐仔會約略講下架車點開, 同埋會同你一齊check 下架車有無邊度已經係花O左, 佢會mark 低, 大家簽名作實, 就可以揸走架車喇......
之前做research O既時候, 除O左Sixt 之外, 仲考慮另外兩間比較有規模, 同埋國際性O既car rental companies, 就係Avis 同埋Hertz, 因為呢3間都可以儲 asiamiles, 一舉兩得. 但係, 比拼過價錢之後, 覺得Sixt 價錢比較平一D, 而且 comments 都唔錯. 聽間有部份比較細型O既car rental companies, 價錢雖然係平, 但係車比較舊, 事後仲會亂扣客人deposit, 為免麻煩, 都係幫襯大公司穩陣D. 鎖定租Sixt 之後, 都唔可以立即book O架, 價格經常都會浮動, 最後, 經過一輪觀察之後, 我地以EUR 255 O既價錢租O左9日, 唔連GPS. 事關租車係唔包GPS O既, 租GPS 9日O既價錢, 足以我自己買一個新. 所以, 出發前小倫已經買O左個GPS, 同埋入好晒冰島O既地圖, 加上我地整個旅程會去O既鎮同埋景點. 自己買個GPS, 他日我地再去其他地方自駕遊都可以慳返租GPS O既錢啦......
懷住緊張O既心情, 我地坐上車, 等待小倫開車喇.....第一程, 首先就係由車行返去 apartment K. 幸好, 都尚算安全..不枉佢出發前, 去O左補兩堂鐘. 講出O黎都笑死人呀!!!遲D 再交代下俾大家知, 點解自駕遊會對我地O黎講係咁大挑戰.
返到去apartment K, 泊好駕車, 我地行返入屋, 拎埋相機, 就正式展開我地O既冰島之遊喇 ~~~~~ Yeah!!!!第一個行程, 就係所有O黎冰島旅行O既人, 包括跟團, 都一定會去O既Golden Circle 喇. 無行過 Golden Circle 都唔好話俾人知, 你O黎過冰島呀!!!! 所謂O既Golden Circle, 基本上, 包括三個重要景點: Thingvellir (Pingvellir) National Park, Gullfoss 同埋Geysir. 如果係跟local tour 的話, 好多時仲會去埋 Kerið (呢個景點, 我地之後會去). 揸車一離開 city centre, 好快就已經變得了無人煙喇. 沿途除O左見到凌星O既車之外, 就只有廣闊O既藍天, 草地, 同埋前面O既公路. 由於我地行緊O既係環島O既主要公路, Ring Road No.1, 所以, 條路好好行.
(今日O既天氣真係好到無得彈呀!!!係大晴天呀!!)
第一站我地先去 Thingvellir National Park, 距離Reykjavik 大約45分鐘車程啦, 唔算好遠.
正式進入呢個國家公園之前, 會見到個指示板, 話你知已經到達公園範圍喇. 見有人O係度影緊相, 我地又貪得意影下先.....呢度有好多一堆堆O既石頭, 係用O黎許願. 影飽又走喇. 繼續上路.
(行行下, 見到有肥O都O都O既冰島羊, 於是叫司機停低O係路邊, 俾我影個夠.....冰島自駕遊就係可以咁free, 路上無乜車, 隨便停低都唔怕阻到人)
(我地第一次O既自駕遊第一個景點總算順利到達, 自備O既GPS好似幾好用咁喎.......car park 上, 只有十幾車)
O黎到National Park 真正o既入口, 有一個vistor center, 隔離仲有個收費洗手間, 咪以為呢度地大物博, 無王管, 想唔俾錢, 去個霸王廁, 諗都唔好諗呀.....眼見人人都好守規矩O架, 真係會乖乖奉上200ISK (~ 大約13蚊港紙). 不過, 放心, 冰島唔係所有地方都咁掠水o既, 絕大部份O既景點都係免費O架, 所以, 去冰島旅行其實係幾抵玩O架......
究竟呢個Thingvellir National Park 有乜咁特別? 除O左佢係一個世界遺產之餘, 最吸引O既地方, 就係呢樹係全世界唯一陸地上睇到歐亞版塊 同埋美洲版塊交匯O既地方, Mid-Atlantic Ridge, 現時, 呢兩塊版塊依然以龜速移動緊. 呢一點, 之前無記O既節目 "冰天動地" 同埋 "鬧電視" O既"一個地球" 都有介紹過.
除此之外, 呢度另一個出名之處, 就係Alpingi, 即係 assembly 咁解. 係有歷史以O黎, 最早o既會議地點, 係十世紀時冰島國會O既發源地.
(Pingvellir church)
(呢度叫做Peningagja (Coin Fissue), 好多人都係O係呢度掉個銀仔落去許願O架.....呢度D 水清到呢~~~由冰川溶化流落O黎, 果然寧捨清. 加埋陽光影射落去, 閃閃生光, 好靚!!!!)
呢度叫Silfra, 遊客可以O係呢度潛水, 可以事先O係Reykjavik O既travel agents join, 亦都可以O黎到walk-in join, 不過, 記得事先check 時間呀. 單憑肉眼由地面望落去, 見到D 水好冰藍, 好清好靚, 相信如何O係水底睇, 應該會仲靚. "鬧電視" O既"一個地球" 入面, 任賢齊就O係呢度潛水喇, 節目中, 佢話呢度潛水好凍, 大約只有幾度至零度, 我地途中遇到幾個剛剛潛完返上O黎O既人, 同佢地搭訕O左幾句, 佢地都話好凍, freezing, 不過, 水底世界好正, 好靚呀, 而且仲可以O係水底用兩隻手掂到歐亞版塊同埋美洲版塊.
秋天O既Thingvellir National Park 真係好靚, 襯埋靚到絕O既天氣, 真係正到暈低!!!!
O係呢度, 仲見到地衣O添~~~~
如果有多D 時間, 呢個national park 可以行大半日O架....不過, 我地時間緊迫, 唯有未行晒整個公園就要走喇. 簡單食條今朝預備O既hotdog 就要開車走喇......
除此之外, 呢度另一個出名之處, 就係Alpingi, 即係 assembly 咁解. 係有歷史以O黎, 最早o既會議地點, 係十世紀時冰島國會O既發源地.
(Pingvellir church)
(呢度叫做Peningagja (Coin Fissue), 好多人都係O係呢度掉個銀仔落去許願O架.....呢度D 水清到呢~~~由冰川溶化流落O黎, 果然寧捨清. 加埋陽光影射落去, 閃閃生光, 好靚!!!!)
呢度叫Silfra, 遊客可以O係呢度潛水, 可以事先O係Reykjavik O既travel agents join, 亦都可以O黎到walk-in join, 不過, 記得事先check 時間呀. 單憑肉眼由地面望落去, 見到D 水好冰藍, 好清好靚, 相信如何O係水底睇, 應該會仲靚. "鬧電視" O既"一個地球" 入面, 任賢齊就O係呢度潛水喇, 節目中, 佢話呢度潛水好凍, 大約只有幾度至零度, 我地途中遇到幾個剛剛潛完返上O黎O既人, 同佢地搭訕O左幾句, 佢地都話好凍, freezing, 不過, 水底世界好正, 好靚呀, 而且仲可以O係水底用兩隻手掂到歐亞版塊同埋美洲版塊.
秋天O既Thingvellir National Park 真係好靚, 襯埋靚到絕O既天氣, 真係正到暈低!!!!
O係呢度, 仲見到地衣O添~~~~
如果有多D 時間, 呢個national park 可以行大半日O架....不過, 我地時間緊迫, 唯有未行晒整個公園就要走喇. 簡單食條今朝預備O既hotdog 就要開車走喇......
沒有留言:
張貼留言