我要再努力D 至得!!!!除O左冰島遊記, 仲有2013年英國21日O既遊記等緊我寫呀!!!!
-------------------------------------------------------------------------------------------------
今日又係一個特別O既行程, 就係我地今日要進入北極圈喇..... Yeah!!!
我地將會去一個island 行下, 呢個地方有乜特別?點解要去? 理由好簡單, 因為Grimsey Island 係冰島唯一在北極圈 (Arctic Circle) 內O既地方, 而且係冰島有人居住O既地方最北邊, 全島O既人口少過一百人, 大約只有八十幾人住. 要去Grimsey, 一係坐飛機, 一係搭船.
由於夏天已過, 無飛機坐喇, 唯有搭船啦. 要搭船去, 都唔係你話想搭就隨時有得俾你搭O架..... 只係逢星期一, 三, 五有一班船行駛來往Dalvik 及Grimsey. 船程3小時.Summer time 可以留O係島上4個鐘, 不過winter time 唔可以留咁耐喇, 因為日照時間短, 最多只可以留島1小時O架咋.....每年O既9月1日到來年O既5月15日為Winter time.
夏天有好多人會去Grimsey Island觀鳥, 當中包括冰島最著名O既 Puffin 啦. 唔能夠見到可愛O既puffin 亦係我地冰島遊O既另一遺憾. heehee, 又多一個藉口下次再O黎冰島....
由Akureyri 揸車去 Dalvik Pier唔算遠, 唔駛40分鐘就到O架喇....
原先, 我有打算過住 Fosshotel Dalvik, 咁就可以慳返D 時間啦, 原來呢間Fosshotel o係冬天時間只會limited operate, 並唔係好似某blogger 所講 closed, 為免麻煩, 加上又俾依家我地住緊O既apartment 所吸引, 所以最後我地決定住O係 Akyreyri 呢間apartment 喇,
事實証明我地O既決定係O岩O既.
由於一定唔可以錯過今日O既船期, 所以, 我地又要6點鐘起身喇. 事前睇其他blogs 講, 船程3個鐘, 途中會好大浪, 一定要食定暈浪丸. 有見及此, 我地今朝O既早餐只係少少地一條hot dog 兩份食. 去到碼頭好易搵, 泊低架車, 就會見到船公司好醒目O既黃色貨倉. 船公司叫做 Ferry Saefari.
第一件事, 就梗係買船飛啦. 兩位盛惠16,000 ISK (~HKD1026.75). 由於依家已經算係winter time, 遊客o既數目少好多, 所以出發前, 我已經sent email 俾船公司, 講低我地O既資料, 等佢地開船前等埋我地啦....
上船前, O係Dalvik 碼頭影下相先.... 果然不出我地所料, 整艘船計埋我地, 只有7個乘客, 所以好free....船開O左無幾耐, 我地見天氣都唔錯, 唔算大浪, 於是出去甲板影下相,參觀下隻船.
到O左差唔多泊岸O既時候, 其中一名船員會O係客艙O既white board 上寫低回程船幾多點會開.....唔知係因為多貨unload 定係有7個乘客咁多O既關係, 今日大家有個半鐘頭咁多O既時間留O係島上. 平時, 只得1個鐘O架咋...簡直係皇恩浩蕩.
(差唔多係包船, 哈哈哈!!!)
(上: 成個碼頭都係貨, 唔知係唔係要搬晒上船呢?!
下: 碼頭上O既貨倉壁畫, 好有特色O既puffins, so cute!!!)
一落船, 大家都不約而同地行去碼頭附近O既大地圖喇, 不過, 大家都睇唔明喎. 大家研究O左一輪, 都係要放棄喇.....
(呢個就係Grimsey o既機場)
(雖然呢度唔係荒島, 但係, 真係見唔到人O架.....)
Grimsey 真係幾靚, 由於少人住, 依然保留原始美, 不過, 四野無人, 又無高樓大廈, 好大風)
差唔多日日揸車經過, 都見到大草球, 終於有機會俾我爬上去喇.....kekeke.....百厭仔又上身...
希望, 有生之年, 能夠去一次Greenland, 正式進入一次北極圈啦.
影O左幾張相之後, 我地又沖沖忙忙咁行返落山喇, 因為我仲要搵下呢度O既小小grocery store.
Grimsey Island 上有兩間小店, 一間係附設post office, 為島上居民收信. 另一間小店主要係賣紀念品, 之前上網check 過, 話可以俾錢買張certificate,証明我地已經進入O左北極圈, 店主好好人, 問我地要一人一張定係兩個人一張, 因為係逐張收費O既, 我地梗係話要兩個一張啦....之前有人話過呢張cert 盛惠 EUR 5, 但係店主只係收我地 500 ISK.
開心O既時光過得特別快, 又係時候講bye bye 喇.....大家都好守時, 人人都比預定O既時間早到, 所以, 能夠準時回程喇....
(Grimsey Pier 全貌)
(Grimsey Island 另一景點: Grimsey Church, 可惜O係島O既南端, 唔夠時間去參觀)
一上船, 我地又陷入大昏迷狀態喇.... 4點40分, 船就返到Dalvik Pier 喇.
我地返上車食埋我地今日O既lunch 先. 跟住再幫襯埋N1 入油, 少少地入O左2000 ISK. O係我地返回apartment 途中, 遇到今日同船O既兩女一男, 原來佢地係＂電波少年" O黎O架..見佢地沿途截車都無人so 佢地, 所以, 我地決定車埋佢地啦.
(由Dalvik 返去Akureyri o既路上)
返到Akureyri, 我地又去探下隻粉紅豬豬喇. 少少地, 都買O左2684 ISK, 手上太多散紙, 埋單時, 我將成堆散紙俾晒個cashier 妹妹, 叫佢幫我執.
今晚我地無再四圍行喇, 乖乖留O係apartment 休息下, 今朝實在太早起身喇.....而且, 明天又要move out 喇, 要努力收拾細軟.
今晚晚餐有: 尋晚無食晒O既雞翼雞鎚, 另外有美味青口, 龍蝦尾, 以及haddock 魚塊.
沒有留言:
張貼留言