好彩, 我地兩件大行李over 23kg, 都可以順利上機. 其實唔係over好多, 地勤姐姐話, 少少唔緊要喎. 不過, 返O黎O既時候都唔知點算喇!
我唔想加錢呀!!!!今朝總算唔係太多人, 所以好快就做完baggage drop, 過埋immigration, 我地就去traveller's lounge 食早餐喇, 嘩, 估唔到呢度人多到好似酒樓咁, 差D無位坐呀, 誇張!!!搵到位個死角位之後, 我同小倫就分別拎早餐, 食飽飽, 拎埋支水就走人lu....
等O左一陣就夠鐘boarding 喇. 感覺上, Finnair O既機"好似" 幾舒服, 座位俾CX 闊少少, 但係, 孤寒, 問個機艙服務員拎多一個pillow , 一問無回頭.
所以, 等食完第一餐之後, 我地就大覺瞓, 補下眠先. 費事去到Helsinki 唔夠精神, 要留O向酒店hea 啦. 將近落機前, 又再起身, 食多一餐, 睇下movie, 就差唔多落機啦. 唔知係唔係因為要節省成本呢, 成程機只得兩份餐咋, 中途連nuts 都無O架, 要食呀, 俾錢啦, 唔該, 真陰公. 機上O既entertainment 又唔多選擇, 只有好少電影揀, 既然係咁, 加上又好鬼眼瞓, 一於專心瞓覺.
(賣相一般, 而味道都係一般O既飛機餐)
可能Finnair 都算係平, 所以都幾多人搭喎, 差唔多full 晒, 聽到機上其他乘客講, 佢地係轉機O架.
之前做定功課, 知道Helsinki Vantaa Airport 有free wifi, 所以, 一落機第一時間就開返部電話去facebook 打卡, 通知屋企班友仔先. 由於我地降落O向terminal 2, 所以都幾遠, 行O左差唔多15分鐘, 先去到拎行李, 過immigration就出去搵下information center拎地圖.
(Information centre 就係O向大門O既左手邊, 有free maps 拎)
有時上D forum見到D人成日問人地過immigration問O既問題, 好似好緊張咁, 其實真係唔係好明白D人點解會咁驚人地問你地O野呢, immigration O既officers通常都係問下D例牌O野O者, 同佢地吹下水咪得囉, 我從來都唔覺得人地係有意留難喎!
過完immigration, 去tourist information centre 拎地圖同埋其他leaflets 喇. 跟住就出門口搵615 搭喇. 根據資料所講, 一出門口就會行唔駛30呎就會見到, 果然真係好易搵. 車站旁邊有tickets vending machine, 行埋去, 依照指示選擇, 同埋入錢, 就可以買到兩張單程車飛O架喇. 由於我地今日所剩時間唔係咁多, 亦都無計劃會去遠O既地方, 所以只買兩張single tickets 就夠, 唔需要買one day pass 喇. 不過, 615 o既車費已經由年初O既EUR 4 加到EUR4.5 一位喇.
其實除O左公巴615可以由機場坐到出去Helsinki city centre, 即係中央車站 (rautatientori)之外, 仲可以富貴D坐機場巴士 Finnair Bus, 機場巴士比較舒服, 有放行李o既位置, 唔駛好似615咁迫, 所謂一分錢一分貨, 位置寬敞係要付出代價O既, Finnair Bus 每程每人盛惠EUR6.2, 大拿拿貴O左2歐幾, 兩個人加埋就已經4歐4喇, 可以買到一個包食O架喇. 咁究竟搭615 好丫, 定係坐Finnair Bus 好呢? 就真係睇你O既選擇喇. 咁我呢D, 本住窮風流O既宗旨, 就梗係揀o左坐615 就算啦.
反正由機場出去Helsinki 市中心唔塞車, 又唔算太多站, 唔駛40分鐘就已經到埗lu. 615巴士總站O係正中央車站旁邊O既巴士總站, 好多人落車O架, 唔駛慌唔識得落車. 落車之後, 定一定神, 搞清方向, 就去搵我地今晚要投宿O既酒店喇. 其實我地O既酒店同中央車站好近, O係正對面, 所以, 只要穿過條馬路, 就已經到喇, 比起 Holiday Inn 更近更方便.
我地今次貪平同貪方便, 揀O左住呢間聲稱有170年歷史O既酒店, Hotelli Seurahuone Helsinki, book O既時候唔醒起, 咁耐歷史o既酒店會唔會有鬼O架???
Check in o既reception 小姐態度唔算太友善, 比較cool, 問一句答一句咁囉. 可能芬蘭人係咁啦, 之前都有聽講過話芬蘭人比較cool, 但係, 之前識得polar bear 唔係丫, 佢好nice O架喎......
不過, 間房算係咁喇, 以歐洲酒店o黎計, 算寬敞闊落! 間房設備算OK 啦, 唔駛住劏房.
簡單收拾行裝, 趁未日落出發四圍行下喇.
由酒店行出去Stockmann 只係5分鐘咋, 真係勁方便喎. 我地沿Aleksanterinkatu 行去Senate Square, 影下Helsinki Cathedral.時候唔早喇, 明顯遊人減少. 不過, 呢個景點我地預O左會再O黎, 所以唔停留咁耐喇.
(已經下晝差唔多六點喇, 雖然係9月, 但係個天仲係好光, 天色好靚)
再行去Uspenski Catherdral, 呢間係一間東正教O既教堂, 因為芬蘭曾經俾俄羅斯沙皇統治過, 所以當時起O左呢間東正教教堂. Frankly speaking, 呢間教堂唔算太靚. 所以, 行上山坡影完相, O向門口望O左幾眼, 我地就走O左lu.
(遇到同路人, 大家都係遊客, 可以互相幫忙影合照)
行返落山坡, 去埋Kauppatori (Market Place), 可惜已經開始日落, D 檔仔已經收晒, 加上開始大風, 又D涼意. 因為只有十幾度, 我由香港O黎只係著O左件短袖t-shirt 加件薄風褸, 為免冷親, 只係留O左一陣就走喇.
(Market Place @ Sunset)
(昔日的碼頭)
於是我地沿Esplanadi 街向Stockmann 方向下喇. 點知, 行唔夠5分鐘, 已經見到Mulberry lu. 可惜, 已經close O左, 唯有星期一再O黎過啦.
行返去Stockmann, 見仲未close, 係咁易入去Ground Floor 打O左個圈, 都係一般O既department store 啦.
時候唔早喇, 要搵地方食dinner 喇. 仲以為Helsinki 會好似Paris 或者London 咁, 有D 別緻O既小餐館啦, 點知都係搵唔到. 見人地O既blog 介紹話火車站附近有個商場有food court, 一於去睇下啦. Oh, 已經收檔喇. 唯有再過去只一個商場去supermarket 睇下啦. 睇過有一個blog 介紹呢間supermarket 話有熱食賣, 無錯, 嗰位人兄係無老點嘅, 不過, D 熱食唔吸引囉, 即係好似平時O向百佳買O個D 熟食咁款, 係咁易買O左包薯片同朱古力, 同埋牙膏就算數喇. 就咁買3樣O野, 已經要4歐幾喇.
(車站對面的商場, 就係上圖用紅色框住的商場, 好易搵)
唉, 唔知食乜好, 又無理由一場O黎到, 走去食麥記O架. 於是, 我地就求其走去火車站買O左個hot dog 同埋 tuna baguette 返酒店開餐就算lu. 所以, 今晚O既晚餐好平, 兩樣加埋只係EUR11.4. 一心以為北歐O既物價係天價, 所以, 簡簡單單O既一餐只係十蚊歐羅多D, 都算係acceptable 啦.
食飽飽之後, 我地就傾下聽日O既行程, 就瞓覺lu. 費事聽日因為jet-lag , 而影響行程啦.
沒有留言:
張貼留言