2012 北歐奇妙之旅 (芬蘭, 冰島 & 瑞典) - 20/9 (Day 6 - Part III) [Akureyri, Iceland]

為O左今晚有飽飯食, 又係時間去搵隻粉紅豬豬喇.......

入貨時間~~~

雖然冰島本國資源比較缺乏, 但係, supermarket 依然乜都有得賣, 有新鮮蔬菜啦, 花O既種子啦, 仲有抵到爛O既魚油丸啦......supermarket 入面, 四圍都係price scanner, 萬一唔知價, 行埋去嘟一嘟, 就會清楚晒, 非常方便....

冰島人佢地O既飲食文化同中國人都有D 相似, 就係乜都食, 其中, 最具特色O既莫過於羊頭同鯨魚肉喇.... 想當年, 冰島真係乜都無O既時候, 為O左唔浪費任何物資, 以前O既冰島人就會連羊咩咩O既頭都會食埋, 諗起就覺得核突.....鯨魚都唔例外, 佢地以漁業立國, 而鯨魚係佢地其中一類最豐富O既魚獲之一, 所以, O係未有提倡保育生態O既年代, 佢地就開始食鯨魚肉喇..不過, 時至今日, 即使supermarket 有得賣, 都唔係有好多冰島人會食鯨魚肉, 而出售鯨魚肉O既profit 仲遠不及觀鯨所帶來O既profit O添.....

買完餸, 返去apartment 放低, 趁未天黑, 行返去city centre 行下街街先......

(買下買下, 咁又買O左差唔多6千蚊喇..... (5,927 ISK, ~ HKD366      )

由 apartment 行返去city centre 唔係好遠, 大約15分鐘就到.

其實時間已經唔早喇, 所以好多shops 已經關門大吉, 收檔去....不過, 一場O黎到, 點都要四圍行下O既....

可以享受下寧靜~~~~原來, 日日O係香港咁忙碌, 好嘈, O黎到人口只有三十幾萬O既冰島, 先知道乜O野叫寧靜~~~~

(呢度果然係大鎮, 居民唔單只係住house, 有D 仲會住apartment, 如果香港都有咁型O既apartment 住, 就好lu~~)

(Akureyri 教堂, 外貌有D 似Reykjavik O既穿梭機教堂, 因為佢地係兄弟, 出自同一個設計師)

O係Akureyri city centre 四圍遊, 都仲未夠6點咋, 大部份O既shops都已經關門大吉喇...

(鎮上較大型O既餐廳, 食O既係傳統冰島菜, 連鯨魚肉都有得食O架~~~)

(行下行下, 去到呢座叫做HOF O既building, 佢係Akureyri o既Cultural and Conference Centre, 我地入過入面8下, 不過, 無乜O野睇)

(估唔到, Akureyri 都有中國人開O既酒樓喎~~~~ 除O左中餐, 仲有Indian food 可以揀....不過, 無理由O黎冰島食印度O野O者?!)

於是, 行返去大街.

(估唔到Hello Kitty O既威力無遠弗屆, 連冰島都有Kitty shop, 作為冰島其中一個大鎮, 手信店又點會缺少~~~門口有小小viking man 做生招牌)

返到 apartment見未肚餓, 不如搵O野玩啦....

哈哈哈....梗係玩浸浴啦~~~~小倫預備好, 我就去換泳衣喇.

嘩, 除O左honeymoon 時去北海道浸過貸切風呂, 搞到差D魂斷登別之後, 我未試過O係 outdoor 咁凍O既天氣玩浸浴O架...

 一切準備就緒, 就要披住毛巾, 1,2,3 跳落水喇..... 嘩, 好正呀!!!!我地仲一邊浸jacuzzi, 一邊飲可樂, 一邊食雪糕.

我地會O係Akureyri 呢間 apartment 留兩晚, 所以, 係時候洗衫喇..... 加上呢度有laundry room, 非常方便.

Laundry room 其實係連住reception O個個building O既, 洗衣機操作簡易, 只需要投入token就可以喇 (洗衣機右上角就可以取token) .... Token 唔駛用錢換O架, 而且仲有洗衣粉供應O添.....洗衣機同乾衣機仲要係Miele O黎O架....正....最正係, token 同洗衣粉都唔駛錢O架..... 擺低D 污糟衫之後, 我地就返去apartment 煮晚餐喇....

今餐就豐富咯..... 首先煮個龍蝦湯暖下胃先.....O係冰島所謂O既龍蝦, 同我地O係香港食開O既Lobster 有D唔同, 呢度叫做langoustine. 好簡單, 只係買罐罐頭湯, 再加埋D langoustine tails 落去, yummy!!!!

 至於main dish, 我就食龍蝦尾配長通粉, 小倫就梗係食羊扒啦.....

食飽飽我地先返去laundry room 拎返D 衫, 跟住就set定相機腳架, 迎接今晚O既北極光喇.....

據網上資料所講, 今晚能夠睇到北極光O既機會幾高, 加上今晚O既天氣好好, 個天好清, 無雲. 等呀等呀.....一邊等, 一邊同冰島師奶傾計, 冰島師奶好好人O架, 佢係一名遠嫁冰島O既香港女子, 佢住O係北部另一個鎮, 出發前, 多得佢O既細心解答, 令我對冰島有更加了解. 可惜今次行程緊湊, 未有時間去探訪佢.

良久以後, 終於, 終於.....O係遠處出現疑似北極光在天空出現喇.....立刻用相機試唔同O既快門同曝光, 嘗試影低啦.....之前,參考過其他人O既經驗, 話北極光好多時都係影到, 睇唔到O既.....所以, 我地都唔敢抱太大期望啦, 當然, 最好就係影到又睇到啦..... 影O左幾張相, 真係見到一條條好似鬼火O既光出現O係相機O既display 喇.... 

由於太凍, 要返入室內暖下雙手先. 因為要影相O既關係, 帶住手襪影相唔係太方便. 終於, 北極光愈來愈明顯喇.....唔只係影到, 就連肉眼都睇我好清楚, 雖然附近都仲有街燈, 但係都無阻睇北極光O既清楚程度....好正呀! 仲睇到dancing O添呀!!!!

此時此刻, 真係畢生難忘呀!!!!難怪有人話一生人點都要睇一次北極光啦...... 除此之外, 仲見到有流星O添呀!!!可惜, 影唔切.........

今晚O既經歷, 令到今次O既北歐之旅增添"奇妙"O既感覺. 始終, 呢D 大自然O既現象, 並唔係博物館o既展品, 或係一場球賽, 只要肯俾錢就能夠睇得到, 而係要配合天時地利人和先可以睇到.