(見證我地人生第一次自駕遊, 影返張"香車美人"先......(嘔~~~~~
)泊好車, O係car park 食埋今日O既lunch 先, 就係自製hot-dog 喇. 無計啦, 行程緊湊丫嘛, 要慳返D 食飯時間趕路呀.....
(今日竟然唔多人喎, 所以car park 大把空位, 任泊, 而且仲係free parking O添....冰島真闊佬~~~)
事前, 我同小倫已經執好一袋游泳用品, 同埋相機, 所以入場只係輕輕鬆鬆咁拎住一袋就得喇.....如果各位旅客係有其他行李的話呢, 係入口O既landmark招牌隔離, 有間屋仔係可以寄存行李O既.
O係門口, 我地認識O左兩個男仔. 一個係德國人, 一個係米蘭人, 其中德國男仔舊年O黎過冰島之後, 覺得好正, 於是今年帶埋個friend 再O黎多次. 我地互相幫忙影合照喇...真係好.
其實, 如果唔想入去blue lagoon 浸溫泉, 而又想影下相的話, 係有辦法O既. O係正式進入blue lagoon 之前, 左邊都可以有地方影到blue lagoon 藍藍O既水,同埋含有豐富silica 白白O既泥土.
由於呢度主要係做遊客生意O既, 所以入場費係可以揀俾ISK 或EUR. 計過exchange rate, 我地今日俾EUR 抵D, 所以我地揀O左俾EUR, 每人盛惠30歐, 如果無帶毛巾要租埋的話, 請另外奉上3歐. 不過要注意, peak season, 即係6-8月, entrance fee 係會再貴D O架.....
俾完錢, 每人會有條藍色手帶. 我同小倫各自去changing room 換泳衣喇. Changing room 入面有位security 嬸嬸企O係度. 換好冰衣, 一定要沖身先至可以進入"泳池"O架.
(Changing room locker 上有中英對照的溫馨提示, 唔知點解, 只係中文版先至會提醒旅客唔可以拎走D火山泥呢??!!)
由changing room 行出去, 短短1分鐘O既路程都幾凍O架....咁大個女都未試過O係只有10度O既環境下著冰衣....事關我唔浸得溫泉O架....經過差D 魂斷登別事件之後, 對於浸溫泉都有少少驚驚地.....同小倫會合之後, 要快D 落水至得......
OH......好舒服呀.....雖然水溫唔係好高, 只係得37-39度, 但係O係相對低O既氣溫之下, 呢個溫度非常舒服. 今日好好陽光, 所以呢個晏晝水游得好爽呀!!!!而且, 今日唔算好多人. 望住四周O既白煙, 感覺猶如置身仙境當中, wonderful~~~除此之外, 有好多人都會幫襯O係池中央O既mini bar, 一邊浸溫泉, 一邊歎番杯冰凍啤酒, 呢個冰火感覺應該幾正.....唔飲酒的話, 可以試下呢度唔駛費, 任你用O既silica mask, 呢D 火山泥, 含有豐富minerals, 人人都會O係度敷返個mask O架.....
不過有一點要注意, 由於呢度係標榜natural, 所以底部並無鋪上任何地磚, 水底係岩岩慚慚O架, 要小心.
玩飽喇, 我就返入去changing room 拎埋小黑同埋相機出去, It's pictures time!! 呢個O既好處係任影唔嬲O架.....
由於我地今日仲要趕路北上要去Varmahlio, 所以唔可以逗留太耐喇....
臨走前, 交還入場時俾我地O既手帶, check 過O係場內無其他消費喇, 就可以出去lu....
臨走前, 如果想買下紀念品, 又或者覺得D masks 好好用的話, 可以去shop 放低銀兩. 我地走O左去restaurant 樓上O既觀景台, 可以一睹整個blue lagoon 全景.
(餐廳有dinner buffet 供應, 如果有時間的話, 可以一試)
浸完溫泉真係好舒服, 可以我地仲有漫長O既旅程, we must move on~~~~
呢段路真係幾長呀....我地要由Blug Lagoon 揸4個幾鐘頭去到北部小鎮 Varmahlio.呢程車對小倫O黎講簡直係大考驗呀....因為佢未試過揸咁耐車O架....我地又越過高山, 又越過谷. 途中要穿過一條過海隧道, 係收費隧道O黎O架 (tunnel toll 1000 ISK).
過完隧道之後, O黎到呢個小鎮叫做Borgarbyggd, 見到有油站, 去埋去入下油啦, 順便小休一下. 少少地, 入O左3001 ISK啦. 今次, 我地係用prepaid 俾錢O既. 入完油之後, 點知, 睇錯方向, 行錯路O添...好在發現得早......
一路上愈來愈少車, 眼前只係見到公路, 四野無人, 好寂寞呀!!!! 行下行下, 終於前面出現一架車喇.....好O野有伴!!!所以, 我地一直都無超越佢, 跟住佢尾, 當佢係帶路都好丫.....
弊喇....太陽就快落山, 而且我地已經上到高山喇....四周都係雪山, 出面好凍呀....小倫愈揸愈快.....條路開始黑, 有D 驚驚地呀!!!!感覺有D 似N年前一部電影, Dracula (驚情四百年), 講男主角Keanu Reeves 要O係日落之前, Dracula 出現前, 趕去救女主角Winona Ryder......
(其實條路唔難行, 只不過係街燈欠奉O者.....)
原本, 我仲想中途去一去小鎮 Hvammstangi, 睇下有無可能見到野生海獅O架嘛.....
終於, 我地8點半到達今晚入住O既酒店喇...我地今晚留宿O既酒店叫Hotel Varmahlio, 係一間country hotel, 簡簡單單, 乾淨企理啦....不過就無lift 喇, 要自己搬行李上樓喇. 好在有小倫O係度, 唔駛我郁手O者......
(呢一堆就係我地今日O向Bonus 買O左千幾蚊O既食物喇....係for 明天O既lunch ....)
RonRon, 早！幾時再出發去玩？^^
回覆刪除你好呀, 小高......明天(i.e. 26/9) 出發喇~~~
刪除hello~ 我想問下呢...入藍湖除左沖身,洗唔洗沖頭架?? Thanks !^^
回覆刪除sorry for my delayed reply~~~
刪除入去blue lagoon, 只要沖身就已經OK O架喇....