行O左無幾耐, 見到有一群moo moo cows 呀, 弊, 趁呢班大哥決定過馬路之前, 我地要快過佢地過馬路先, 因為見過有台灣旅客話佢地試過等D 牛牛同馬馬過馬路, 過O左一粒鐘呀.
(隻隻牛咁眼望住我地)
由Thingvellir National Park 揸車去 Gullfoss 大約50 分鐘啦, 不過, 我地俾GPS 大佬整古, 點O左我地行O左去條掘頭路, 好鬼危險, 嚇得阿新牌仔一額汗, 我地唯有重頭開始, 揸車返轉頭.
(GPS 大哥呀........我地都無得罪你, 因乜事要整鬼我地, 要我地行條石仔路呀)
由於呢D 都係冰島最最最著名o既必遊景點, 所以, 一定有好多local tours, 所以, 我地走埋去問下D 專業司機, 經佢地指點完一輪, 其實都未係好明白應該點行, 唯有見車跟車啦, luckily, 終於俾我地去到冰島著名o既瀑布 -- Gullfoss. 又名Golden Falls, 中文名好"娘", 咪就係叫黃金瀑布囉. 冰島文入面, 凡係見到"Foss" 呢個字, 就知道等於英文O既"Falls" , 即係瀑布咁解.
都係O個句啦, O黎冰島, 假如連呢個冰島最出名O既瀑布都唔O黎, 就不如唔好話俾人知你O黎過冰島喇....
我未去過加拿大O既Niagara Falls, 唔識比較. 但係, 呢次係我咁大個女第一次咁近距離睇瀑布. 感覺好震撼~~~
泊好車之後, 見到有兩條路O架, 根據之前O既資料搜集得知, 一條路係行上上面, 有高處望落O黎O既; 另一條就係由parking area 向前行入去, 就可以平面咁睇瀑布. 首先, 我地就揀O左向前行. 果然不愧為冰島其中一個最出名O既景點, 呢度有好多遊客呀.......
未行到去咋, 已經只係聽到震耳欲聾O既水聲, 非常澎湃. 換O黎O既結果係相機鏡頭全部都係水花. 與此同時, 我發現我部相機未換鏡頭呀.......於是, 要行返轉頭避開D 水花, 換好鏡頭至好行埋瀑布附近.
Thanks God!!!今日天氣好好, 有陽光, 所以有彩虹呀!!而且仲有double rainbows 出現O添呀!!!!!So Amazing~~~~所以話我地今次O既北歐之旅係一個奇妙之旅確實無錯, 奇妙O既事總會經常發生.
近距離睇瀑布真係好正, 大鄉里O既我, 從未試過咁近見到瀑布O架, 我同小倫即刻搵個靚位影相先.....影完, 就要快D 讓返個位俾其他人影喇.....
興奮完, 我地就行返出去, 要行埋上去影埋個全景丫嘛, 事關Gullfoss 係一個兩段式O既瀑布, 要夠高先睇得晒全貌.
根據指示版介紹12月冬天O既Gullfoss 結晒冰, 好得意呀!!!!不過, 我估我都係無乜機會見到咁O既狀況O既Gullfoss O架喇
逗留O左差唔多一個鐘多D, 我地又要趕去今日最後一個景點 -- Geysir 間歇噴泉 喇....
Geysir 同Gullfoss 好近, 大約15分鐘車程就已經到O架喇. 途中仲見到Langjokull O既冰舌 tongue), Langjokull O既ice cap 係整個冰島O既第二大.
原先, 我地計劃係先到Geysir, 後到Gullfoss, 不過, 無乜所謂啦, 兩個景點次序調轉都無太大影響. 一去到, 我地又跟住人群行去Stokkur 喇. 雖則呢度叫Geysir, 但係, Geysir O既吸引力遠遠唔夠同場O既 Strokkur 大, 佢O既風頭已經俾Strokkur 搶O左喇....
鬼咩, Strokkur 每隔4-8分鐘就會噴一次, 而且仲威力強勁, 最高可以噴到40 米, 平均都可以噴到25-30米咁高O架....至於, Geysir 已經進入退休狀態, 好耐都無開過工喇, 對上一次噴發, 已經係2000年O既事喇.
(未爆發之前, 只係好似溫泉咁, 有好多bubble bubble O架咋)
不過, 記住, 千祈唔好掛住睇, 而唔記得呢度噴出O黎D steam 其實係好熱O架, 可以去到攝氏100度, 一定要小心呀!!!
第一次親眼睇咁震撼O既場面, 真係好正!!!!睇到唔捨得走呀...不過, 已經6點喇..再唔走, 就日落都返唔到去Reykjavik O架喇.....
(回程時又見到四圍走O既冰島馬, so cute!!!)返入Reykjavik 之前, 先去學入油先....去到N1 油站, 落車行入去counter 同個姐姐講, 話我想入油, 叫佢搵人幫我, 唔駛3分鐘, 就有職員O黎幫我地入油, 順口叫佢教埋我地點樣自助入油. 因為搵人入 同自助入O既價錢係唔同O架, 梗係自助平D 啦. 而且, 冰島有D 地方O既油站係無人O架..如果唔學識, 到時叫天不應, 叫地不聞就慘喇. 今日唔係行O左好多路O者, 所以, 入油只係用O左5202 ISK (大約HKD339 啦), 另外, 我地買定一張pre-paid card, 面值10,000 ISK.
入完油, 我地就返去Apatment K 煮飯仔喇. 今晚繼續食尋晚未食晒o既三文魚, 同埋豬扒麵, 加冰島可樂.....
食飽飽又要收拾行裝,都已經12點喇, 我地無再出去四圍行, 因為聽日我地要暫別Reykjavik, 展開我地O既Iceland 環島遊喇!!!
沒有留言:
張貼留言