2012 北歐奇妙之旅 (芬蘭,冰島 & 瑞典) - 20/9 (Day 6 - Part II) [Akureyri, Iceland]

騎完馬馬之後, 我地揸車去附近一個景點, 叫做 Glaumbaer Farm, 呢度係一個小小O既建築群, 由幾間 turf (傳統冰島草皮屋)所組成, 當中唔同O既turf 有唔同O既function, 例如 kitchen, storeroom 之類. 據資料所講, 呢度有過千年O既歷史, 直至10年前先被人發現O架.

任賢齊拍鬧電視O既一個地球都有介紹過呢度.

由於已經過O左開放時間, 所以無得入去參觀, 唯有隔住玻璃, 偷窺下啦.

細個睇"三隻小豬"O既故事話我地知, 要起屋, 一定要用磚, 千祈唔好用草呀....但係, 聰明O既冰島人就發明O左用"草磚"....因為冰島地理環境O既關係, 高大O既樹木少之又少, timber 只係用O黎做屋O既門面, 至於牆身, 就要做草壓成磚O既"草磚"砌成. 據稱, 咁樣O既屋可以保暖同抵禦冰島猛烈O既強風.

(草磚就係咁O既樣喇)

呢隻小狗唔知O係邊度O黎, 或者佢就係呢度O既管理員啦, 由我地停車, 一路跟住我地直到我地開車走, 好熱情)

跟住, 我地返去酒店附近O既fuel station 入油. 今次我地就用之前買定O既N1 prepaid card, 操作簡易, 唔識冰島文? 唔緊要, 有體貼O既英文 instructions, 放心. 咁又入O左5022 ISK 喇. 另外, 又再買多一張3000ISK O既prepaid card.

P.S. 其實可以唔用prepaid card O既, 一般歐洲人都係用credit card O既, 不過, 人地O既card要入password, 而我地香港一般O既信用卡都無password O既, 所以都係買prepaid card 方便D.

入完油, 小倫話要同部車車沖下涼喎......於是, 我地又洗完車, 食埋個自製burger 先至再出發喇.

今日餘下落O黎O既行程唔算緊湊, 只係去下一個目的地 -- Akureyri. 同Varmahlid 相距唔係好遠, 只係1個鐘4個字就到喇. 

由 Varmahlid  沿Ring Road No. 1 去 Akureyri 都係要行一段頗長O既山路O既, 不過, 唔駛擔心, 呢段路一D 都唔難行, 只不過係估唔到未到10月, 山上已經鋪滿雪. 其實見到雪, 好開心...........

忍唔住要將架車泊埋一邊, 影下相先繼續行.

(冰島就係咁free O架喇.....只要路面情況許可, 四圍都係美景, 隨意停低車, 都可以影到靚相)

Akureyri 係冰島北部O既大城市, 可以算係The Capital of North Iceland, 除O左首都Reykjavik 之外, 就到佢最大O架喇, 不過, 都只係得17,000人咋

我地O係Akureyri 都係租 apartment, 因為會住兩晚, 住guesthouse 唔可以煮食, 都係apartment 方便D.

今次我地租O既 apartment 叫做 Saeluhus Apartments & Houses, 呢度有studio apartment 同埋 house 可以租. 一間間小白屋, 好靚, 而且仲好新淨O添......出發前, 咁O岩見到另外有blog 友都係租過呢度住, 令我地住得更加放心.

去到, 我地首先去reception check-in, 冰島人果然好friendly, 我地只係同佢地打招呼, 佢地已經知道我地係乜水喇.....交帶好laundary room O係邊, check-out 時點樣return keys 已經OK 喇.

嘩, 雖然話係studio, 但係都幾寬敞喎......感覺好舒服....

廚房設備仲好齊全O添.....

Balcony 有hot-tub, 正呀!!!可以試下露天浸浴喇...爽呀~~~~

(係唔係好正呢?! 我地租有埋hot-tub o既studio apartment, 住3日2晚, 都只不過係EUR 230 咋!!!當然, 呢個價又係電視框價錢啦~~~)

一入到屋settle down 之後, 就梗係要search wifi 同香港o既朋友仔聯絡下啦....whatsapp 俾佢地睇下我地今日間apartment 啦....與此同時, 就收到個bad news 喇. 就係原先我地book O左星期日 (23/9) 去Askja O架嘛. 但係, 個tour guide sent email 俾我地話, 因為大雪O既關係, 我地個tour 要cancel. 佢之前話, 除O左我地兩個, 仲有一對couple 都會去, 如果我地肯改為23號去的話,會俾電視框我地, 而且會用兩部super jeeps 車我地去. 可惜, 依家天氣太差, 已經封O左路, 想去都無得去呀....好遺憾...

點解我地自己都租車啦, 唔自己揸車去? 事關要入Askja, 必經F88, 呢段路非常難行, 唔好講話我地只係租O左架普通車仔, 即係係jeep 都有少少難O架, 最好就係好似tour guide 咁, 有super jeep 呢D 咁巨型O既車喇.

Askja 係一個好特別O既地方, 非常值得去, 當年美國太空人Armstrong 未上月球之前, 就係O係Askja 呢度做training O架喇....Askja 位於冰島o既中心部份, o係1875年發生過大型火山爆發先至俾人發現呢度. 點解Armstrong 要o黎呢樹上training, 因為呢度有出名O既lunarscape, 同真實O既月球表面好相似, 其實早幾日去Leif the Lucky Bridge O個度我都已經覺得有D 似月球表面O架喇, 唔知Askja 係唔係仲荒涼呢?!

另外, 之前睇過D documentary 節目, 講話Askja 地區直到依家, 都仲係有frequent o既火山活動, 加上2010年o個次大大鑊火山爆發, 令到Askja 地區更加敏感, 科學家同地理學家佢地都對呢度更加要密切留意. 我真係好想去睇下.....都好, 有個藉口再O黎冰島島....heehee