2012 北歐奇妙之旅 (芬蘭, 冰島, 瑞典)- 16/9 (Day 2 - Part I) [Helsinki, Finland]

(我的龜速遊記又繼續喇......真係唔好意思, 我實在太多口水喇, 又長氣....不過, 我無放棄到O架....會繼續努力, 我真係唔想爛尾呀!!!!)
----------------------------------------------------------------------------------------------------------------------------------------------------------------------------

今日嘅行程非常緊湊, 所以一早6點半就要起身喇!!!! 其實主要原因係我份人太meme moremore, 下下都要搞成粒鐘至可以出門口, 所以要早D起身囉.

我地8點鐘食早餐, 餐廳唔係好多人, 只係得3,4 枱客, 因此我可以慢慢影下D食物俾大家睇下喇. 先講食早餐呢間餐廳, 雖然係舊D, 呢間酒店係sell history 嘅, 舊就梗O架喇. 不過, 都算幾靚丫, 夠classic 丫嘛.  但係, 下次如果再O黎住就唔會再見到呢個樣喇, 事關餐廳將會喺2013年1,2 月進行renovation, 要到3月先會重開. 而且, 個早餐都幾豐富



見呢個時間係香港嘅下晝, 一於同bb 豬facetime 先. 實在太掛住佢啦. 佢見到我地O向佢心愛嘅iPad入面, 諗O左一陣, 跟住就識得對住我地笑喇.....


 (咁有歷史O既酒店, 換O黎O既, 就係咁有幻海奇海feel O既lift....估唔到除O左上次去東歐會遇到咁懷舊O既古董之外, 較為發達O既北歐都有喎~~~)

食飽飽有氣有力之後, 我地返上房執好行李, 預備晏D 返O黎搬酒店. 所以, 我地做埋check-out 同leave luggage.


我地決定依照尋日喺Tourist Information Centre 拎嗰本"See Helsinki On Foot" 入面其中一條suggested path : No. 2 Relax in the Green Heart of the City. 因為呢條path cover O左大部份我地想去嘅景點, 反正今日係星期日, 有好多地方都唔開, 又或者晏D先開門, 一於行個大運啦.

先講下呢本"See Helsinki On Foot", 入面有5條walking routes, 路途長短不一, 由最短o既2.5 km, 到最長嘅6 km. 書仔入面有埋地圖, 都幾方便易睇o架.

 
 由於我地嘅hotel 就係喺正Central Railway Station 附近, 所以我地一於依照書仔上嘅starting point 開始. 喺尋日落車嘅615 巴士站嘅廣場, 就可以見到Finnish National Theatre, 呢幢building 已經有過百年o既歷史o架喇.


(呢個statue 係記念一位芬蘭作家, 叫做 Aleksis Kivi)

喺National Theatre 後面係一個公園, 叫做Kaisaniemi Park . 晨早流流o黎行下公園, 呼吸下新鮮空氣, 都真係幾舒服. 香港d 空氣實在太污濁, 相比之下, 北歐嘅空氣清新好多.

穿過公園, 會見到一條橋, 叫做Long Bridge. 過橋後, 行無幾耐, 就去到 Hakaniemi Market Hall, 不過, 因為今日係星期日, 呢度無檔開. 希望過幾日能夠有時間再o黎行下啦. 聽聞, 蔡瀾先生都o黎過呢樹拍o野o架.


Market Hall 對面, 呢3幢towers 叫做Arena, 建於1920年代. 對面圓轆轆o既building 係商場o黎o既, 有做"Round House".



跟住, 我地有少少偏離書仔上嘅route, 行條長命斜, 見到Kallio Cathedral, 不過, 見無乜特別, 所以無入去參觀lu. 我地一邊行, 一邊影相, 都用o左唔少時間. 但係, 感覺好寫意, 無拘無束, 爽呀!!!


(其實見到條長命斜都已經怕怕, 唔想行上去喇...... 超古怪, 竟然係呢個住宅區有個咁chinese style O既擺設)


(行下行下, 行返去中央車站O既後面)

下一站, 我地就o黎到Winter Garden, 呢個係一個溫室o黎o既, 不過, 未夠鐘開門, 所以無得入去睇. 坐低休息o左一陣, 我地又再繼續行喇.

之後, 就o黎到1952年o既Olympic Stadium. 今年係奧運年, 去唔到London o既 Olympic Stadium, 唯有o黎住呢個60年前o既阿爺級奧運會場先啦.

哈哈, 呢度竟然係free admission 喎, 一於入去睇下先. 坐喺看台上, 感受一下先. 估唔到個會場係咁細喎. 不過, 話時話, 個stadium entrance 都幾難搵o架喎.

喺Olympic Stadium hea 完之後, 我地又要行去下一個景點喇 -- 岩石教堂 (Temppeliaukio Church). 呢個景點並唔係喺Walking Route No. 2 入面嘅, 不過既然都同 Olympic Stadium 相距唔遠, 大約行30分鐘, 一於就去埋先啦. 唔駛下次再走回頭路丫嘛. 岩石教堂位於住宅區內一個小山崗上面, 由於唔係好高, 所以O向附近都唔容易見到O架. 不過, 呢個都算係比較出名O既名勝, 所以, 去到附近, 都會見到有遊客頭岳岳咁搵, 如果自己唔多識路, 只要2仔底, 死跟人行, 應該都搵到O架.

哈哈哈, 我地就係跟人行跟出事喇. 去到見到岩石教堂個四 dome, 就以為一路行就無死啦. 點知, 就"乃" O野喇. 原來我地真係上O左去church O既dome, 要落返去正門, 一係就沿頭先上O黎O個條小路行啦, 一係就好危險咁爬落去.

 

(見唔見到紅色個箭咀呀.....我地就係好鬼危險咁由側邊爬落O黎O架喇)

(呢張相就係O向都算幾危險, 差D "扇" 腳, 扶住個斜坡扮晒無事咁影O架喇!! )

落返去正門時, 竟然見到個timetable 話, church 暫時close O左, 唔入得, 要遲少少先開. 點解計劃周詳O既我, 都會老貓燒鬚, 咁失策, 唔事先上網search 定opening hours, 原因並唔係我懶, 唔做, 而係搵唔到呀. 唔知係唔係呢度個開放時間成日變呢? 

無理由戇居居企O向樹等開門O架, (因為同時有一團內地自由行都O向樹等), 於是, 我地行返落去山下面四圍行下, 見到有間便利店, 一於入去hea 下啦, 買排朱古力食下.

終於都夠鐘開門喇, (其實都唔係要等好耐O者, 只係30分鐘咋) 呢間church 都算係幾細間, 唔似西歐教堂咁華麗, 非常簡潔, 寧靜. 質樸, 咁點解要O黎呢間church 參觀? 因為呢間教堂係建築O向大岩石入面, 設計師將一整舊大岩石炸開, 所以, 成間Church 完全同大自然結合, 仲專登保留返岩石O既部份, 非常特別O架. 加上教堂頂部由180塊玻璃做成, 採光度十足. 詳細O既background information 我都無謂喺呢度打一次啦, 好多人O既blog 入面都有寫, 而且wikipedia 一search 就會有, 我唔駛O徙力扮勁再打一次啦. 不過, 我個人覺得, 每個O黎Helsinki 旅遊O既人都應該O黎呢度參觀一下. 教堂o既開放時間有限制o既, 到差唔多要close, 會有staff 行出O黎同D visitors 講, 所以我地留到夠鐘close 就走喇.