Sweeney Todd: The Demon Barber of Fleet Street

今晚放工, 原先諗住去睇7點幾o既 "魔街理髮師", 但係, 點知, 次次都係臨放工o既時候先至send email 俾我, 要我做o野, 好彩我同阿姐discuss 完之後, 話o左星期一至做, 咁先至走得咋. 都係小倫醒目, 琴晚買飛o既時候決定買9點幾呢場, 如果照買7點幾果場, 一定會好趕喇!!!小倫仲趁我未放工o既時候, 去剪埋頭髮o添!!



由於, 仲有大把時間, 我地走行下旺角先, 好彩我星期日o個日無買衫咋, 今晚再去同一間舖頭睇, 竟然平o左好多呀, 原來只可以買2條裙o既價錢, 今晚可以買夠3條仲要有錢剩, 所以, 我就試都唔試, 買o左兩條裙喇, 好o野!!!

食完飯就o岩o岩好夠鐘入場, 今次仲唔肥死, 呢頭食完飯, o個頭仲走去買大爆谷食......哈哈.....

好搞笑, 開場前, 我同小倫講, "o拿, 套戲好恐怖核突o架, 一陣間唔好攬過o黎我度呀!" 點知, o個隻小倫竟是答我"放心啦, 我攬住桶Popcorn 都唔會攬你呀!!!" 日日都係要激下我先安樂o架喎, 呢隻死仔包!!!

講番套戲先, 因為我係盲目偶像崇拜, 所以一定會話"好正, 十分正, 極之正!!!" Tim Burton + Johnny Depp真係perfect match!只有Tim Burton 先至拍到Johnny Depp o既talent, 抵我鍾意Johnny Depp 鍾意o左咁多年 (由佢第一套電影, 到依家, 有九成o既我都睇過o架!)