舊同事飯聚

今晚, 約o左上一間公司o既同事食飯, 我地好似都有幾個月無見面喇. 上次一齊食飯都係我o岩o岩出o左院無幾耐.

今晚, 出席o既人有我啦, Hester, Jacqueline, Ginny, Mavis & Katie. 本來仲有Amy, Ricky 同Fly 姐, 不過佢地唔得閒, 所以o黎唔到lu...

可能因為係近Christmas, 又有好多人今晚做冬, 所以都幾難book  位呀! 我地去o左Harbour City 一間叫做尚膳潮州小廚...食物o既味道都幾好o架, 價錢又唔貴, 不過呢, 食潮州o既, 又好似去大排檔食有風味多d 囉!

除o左食飯, 仲有禮物收o添!! Mavis 送o左條XO 電話繩俾我呀, 仲要係日本版o添, 真係好多謝佢呀!!!

今晚真係好開心呀, 其實我成日都好掛住以前一齊做o野o既日子o架, 雖然workload 好大, 人工好低 (簡直係廉價勞工!), 但係, 可能大家o既年紀差唔多, 工作性質又一樣, 面對o既問題又相似, 日對夜對之下, 大家o既感情會好d... 唔似依家咁, 總係好總同d 同事有friend o既感覺囉!