今日下晝, 我地先去旺角四圍行, 好鬼無聊, 原本想去聯合買個袋, 點知o岩價錢又唔o岩色, o岩款又唔o岩size 喎, 真激死. 我地見仲有時間, 咪好無聊咁又去行金都, 其實都無o野做o既, 都係去八掛下囉....哈, 竟然見到Kathy 同 Anson 喎, 佢地仲confirm 埋印帖o添, 真係好喇, 佢地又完成一個item 喇.
跟住, 我地就入荃灣探訪呂氏伉儷喇, 今次係佢地新婚後第一次上去佢地屋企, 其實都係同之前一樣啦, 無乜分別o架.
今日o既主題係勁食大閘蟹呀! Yeah, 一人有四隻咁多呀, 我地由八點幾食到十點幾十一點都仲未食完呀, 死未, 哈哈!!!!今個冬天真係食o左好少大閘蟹呀, 今次仲唔食番夠本!!可惜, 小花兩公婆無o黎啦, 蘭子同Frankie 又病喎, 佢地得個睇字咋!
我地又同蘭子勁過結婚o野, 好開心, 因為佢地遲我地2個月結婚咋.......另外, 我地又商量聽日揀衫策略, 好緊張呀!!!!
死啦, 會唔會好肉酸呢, 會唔會差過上次o係中山影o個d 呢? 駛唔駛重影呀? 十萬個驚呀~~~~
沒有留言:
張貼留言