27/7/2007係我人生其中一個特別o既日子 -- 我第一次做手術o既日子
o向我未完全o訓醒時, 因為琴晚個肚一直都有痛, 所以o訓得唔係咁好, 大約差唔多七點鐘, 湯醫生已經企o係我床邊, 再重覆一次我今朝要做手續o既情況同procedure, 之後護士就幫我預備手術須要做o既o野, 梳洗過後, 小倫就陪我等媽咪o黎, 等到差唔多十點幾, 周振軍醫生都o黎喇, 佢就話俾我知已經book o左下午1點鐘做手術, 跟住我就要故作輕鬆咁扮鎮定, 時間一分一分咁過去, 我o既緊張就一分一分咁增加.
大約十二點幾, 就有護士o黎通知我夠鐘做手術喇, 我自己爬上手術床已經開始眼濕濕, 我都唔想喊, 我同自己講要堅強, 但係我確實認唔到, 我一路入手術室一路喊, 雖然o的護士一直都有安慰我, 叫我唔好喊, 仲幫我抹眼淚, 不過o個種感覺真係好驚同好凍, 我做到o既只可以o訓o向張床到等......
於是我唯有祈禱, 求天父俾我有平安同信心, 之後無幾耐就有一個四眼男人同我講佢係痲醉醫生, 一陣會俾o的氣我聞, 叫我take deep breath, 我都唔記得有無見到阿醫生喇, 好似有又好似無咁, 無幾耐我就好似o訓o左覺咁..
跟住就有人拍我, 叫醒我, 同我講做完手術喇, 切o左盲腸. 我朦朧之中見到個鐘係3點8/9啦, 跟住我都無乜感覺, 只係講話好凍好凍, 然後護士就俾o左部暖風機吹住我, 無幾耐, 我就俾人推o左出手術室, 我聽到聲, 但係好累, 雙眼根本睜唔開, 我知道小倫, 媽咪同妹妹同我一齊搭lift 番上6/F.
都唔知我迷糊o左幾耐, 我開始有知覺, 其實到而家我o既印象都依然好唔清晰. 不久之後, 又有人o黎同我抽血, 我都已經無氣力去反抗. 無幾耐, 媽咪同妹妹就返屋企, 只有小倫留低陪我. 晚上, 敏敏同堅堅帶來了一束百合花o黎探我, 好友P亦有打俾我, 不過我精神唔係幾好, 講o左兩句就收線了.
隨著痳醉藥o既過去, 我o既傷口開始覺得痛, 而且仲開始狂嘔, 要護士幫我打止痛針同止嘔針先至好少少, 只係痛少o左同嘔少o左, 不過都仲係痛同嘔.
做完手術o既第一晚, 成晚都o訓得唔好, 一來個傷口痛, 連郁一郁都痛, 要去VV 又唔方便, 一定要按救命鐘叫護士幫手.
沒有留言:
張貼留言