由於阿型仔湯醫生話我條盲腸已經穿o左, 好彩, 離奇地有一層薄膜包住, otherwise, o的朧流出o黎, 就會變成腹膜炎. 如果真係變腹膜炎, 咁就真係大件事!!! 因此, 我要打足一個full course o既antibiotics, 幸好, 我因為要吊鹽水, 所以只係打入個針孔到, 唔駛直接打入肌肉, 如果唔係實痛死我喇!
原本做完手術當晚, 湯醫生話我可以試下飲清湯, 所以就叫媽咪第二日煲少少湯俾我, 可惜只係飲o左幾啖, 又嘔.
因此, 我做完手術頭兩日都係無食過o野, 好肚餓. 都唔知係因為手術o既關係丫, 定係我無食o野o既關係, 我成日都覺得好暈, 張床校高少少無耐就要校番低.
不過, 星期日晚開始, 我o既精神已經好o左好多, 但係仲未可以落到床....
住院期間, 其實都幾悶o架! 每日六點幾七點, 姑娘就會入o黎量B/P 同探熱, 之後, 就會有姑娘o黎幫我地執床, 換床單或者換衫. 然後, 我會小休一陣等小倫o黎.我食完早餐之後, 小倫就會去返工, 我就會睇一陣報紙, 然後就o訓一陣, 等醫生o黎.
星期一, Phoebe, 格格同媽媽都有o黎睇我, 阿蚧就放工至o黎.
到o左星期三, 其實個針口都已經開始有少少痛, 每次打針, 無論係antibiotics, 定係只打鹽水入隻手到, 都會有點痛, 要麻煩護士慢慢打. 有護士叫我不如打過第二個針口, 但係我死都唔制, 因為我好記得第一晚插個針口時, 真係好痛好痛.......所以我寧願忍一下.
星期五, 突然一早就出現, 突然間要同我拆線, 開頭我有少少驚o架, 好彩佢手勢好, 所以唔係好痛. 拆線時, 我仲問佢讀邊間U, 原來佢同我係一樣o架, 佢係1984年入CU, 1990年medical school 畢業, 佢都係NA 人o黎o架, 以前仲住知行樓o添. 我話俾佢聽我都係NA人, 好搞笑, 佢話"不過我老你好多o架!!" 哈哈. 佢走之後, 姑娘仲同我拆埋個針口, 因為我已經唔駛再吊抗生素, 改為食藥喇. 所以我下晝可以自己慢慢行去toilet 洗下臉, 梳下頭.
星期六, 見完兩個醫生, 我就可以返屋企喇. 之前一晚o訓覺, 係咁多晚o訓得最好o既一晚, 因為唔駛再成晚記掛住要打針, 量血壓. 唔知係咪住得耐, 而且護士們又好好,我走o既時候, 竟然有少少唔捨得, 同佢地say goodbye o既時候, 眼濕濕...........
醫院9天遊, 就咁就結束了..................
沒有留言:
張貼留言