是晚主題 : 光暗影
琴晚呢一堂好重要, 就係教我地點樣修飾自己塊面.
Plasma 面點變面尖尖? 鼻唔高如何變鼻高高? 其實又唔可以話會有好明顯o既分別, 但係都有少少幫助o既.
光影同暗影o既運用原則就係, 想突出o既地方就應該用光影, 相反, 想隱藏o既地方就用暗影喇!!
首先, 由額頭開始.
如果打算將額頭拉闊的話, 咁就需要在髮邊兩旁加光影; 如果o係要將額頭拉長的話, 就需要o係髮邊o既中間位置放光影. 道理一樣, 如果要將額頭收窄, 就o係相同位置放暗影喇!
跟住就要o係眉骨同眉峰加光影以突出眉骨及眉峰. 至於眼窩位置(即眼珠), 則要放暗影.
假如鼻樑唔高, 就可以在鼻樑上放光影. "權"骨位亦可以放一點光影, 除非本身"權"骨已經夠突出.
兩腮可以輕微放少少暗影, 以營造下巴尖尖o既效果. 放o既位置大約o係由眼尾到下巴尖成一直線, 向外隔一隻眼的距離. 方法一: 用中指印暗影後, 向面內掃. 方法二: 在耳珠下位置的小三角位置放暗影.
最後是下巴. 如果下巴較短, 就要加光影, 否則, 下巴較長, 就要加暗影. 雙下巴的話, 最好用少量o既深色粉底在骨位下放.
光暗影可以用一隻較淺同一隻較深o既粉底做, 用於碎粉前. 另一方法, 就係用白色/肉色o既eye shadow 做光影, 淺啡色o既eye shadow 做暗影, 咁就用於碎粉後.
沒有留言:
張貼留言