姊妹裙 - 揀衫篇

琴日下晝, 約o左Miu Miu, 小花, 同蘭子, 仲有幾個姊妹一齊上去度身揀款做姊妹裙.

今次呢間舖頭都幾平喎, $280 就有一條, 仲係度身訂造, 不過款就少D, 其實都無所謂啦, 姊妹裙來來去去都係果幾個款, 無得點變.

小花第一個揀先, 佢最快, 一試就ok喇. 係一條泡泡裙. 跟住到我, 麻煩o既我揀o左款都仲要改來來去, 我其實想做條好似TFE 粉紅色o個條咁, 所以我下半身要加紗, 但係姐姐話可能要加錢, 如果唔係要加好多o既, 幾十蚊就算數啦, 加就加啦....之後, 其他姊妹都陸續揀好款度身.

我見到有一條白色紗裙, 簡簡單單, 乜都無, 但係我覺得影外景都唔錯. 我問姐姐幾多錢, 佢話訂造都係$500. 考慮得過, 唔知造一條紅色出o黎效果會係點呢?但係無現貨睇都真係幾驚, 萬一造o左出o黎完全唔係果回事咁點算喎.

好心急, 唔知幾時有得試衫呢?