無聊行街街

今日, 無無聊聊, 無o野做, o訓醒等小倫放工, 就約o左佢出尖咀行街街. 我mi mi more more 搞到二點先出門口, 好彩佢同個客開會開耐o左, 如果唔係, 實俾佢鬧死我.

我地去o左百利行o左個圈, 其實百利都無o野好睇, 跟住就行埋利時, 唔覺意買o左對平鞋(只係百幾蚊), 矮踭黑鞋返工著.



之後, 我地去o左茶餐廳食tea, 其實係我地o既lunch, 哈哈, 我地兩個人食o左三個下午茶餐, 死未, 仲話減肥影相, 成日就不停食食食..... 食飽飽後, 我地就去o左深水埗行街, 行o左一陣珠仔街就轉黃金喇.....好彩, 今日唔係行好耐o者.

最後, 小倫都係買o左個防潮箱, 用o黎放佢部相機, 同埋寶貝郵票.

今晚, 我地又o係屋企打邊爐, 好飽呀!!!

我今日又買o左本甜品書, 睇見都流晒口水, 搵日真係要"的"起心肝整下o野食先.....