點知, 我地去到 (七點都未夠), 見到個counter 貼住張紙話我地要o個個model 無貨, 要遲d 先有得拎!!!!!
豈有此理丫, 明明係JOS o既customer services 早兩日打俾我話18&20 呢兩日有得攞, 仲要係12:00 noon 至10:00 pm o架嘛, 而且我地成村人o黎到, 竟然話無貨, 我立即, 係立即當場發難, 本着我據理力爭o既能耐同坐counter o既姐姐仔"傾計" 啦, 唔夠3秒, 即刻有另一位比較高級少少o既哥哥仔走埋o黎安撫我地, 我當時唔會咁容易就放過佢啦, even 佢offer 話搵人送上門俾我地, 終於, 呢個哥哥仔就肯攞一部未開箱o既notebook 俾我地啦. 算佢好彩啦, 否則佢一定有排受, 我就要施展一下我大大聲鬧人鬧唔停o既本事, 就唔係, 彈多封complaint letter 去JOS 佢就知死.
佢地o係到check 機o既時候, 我就打俾Priscilla 問有關攞畢業gown o既o野 啦, 因為我見到有好多人都拎住件gown , 有d 人仲影緊相o添, 好好彩, 原來就係今日返o黎拎, 不過人地收七點, 死火, 我地講緊電話o既時候咪就係七點囉, 於是我飛奔去租袍o既地方, 好衰唔衰要俾$600 deposit, 窮人o既我, 又點會無啦啦有6百大元o向身丫, 全身加埋都只有$570, 於是, 我又要飛跑去ATM 攞錢, 跑來跑去, 氣都無喇, 俾完錢就攞袍走. 今日真係好好彩, 如果唔係, 我就會畢業無袍著, 無得影相o架喇!!!!!!
搞掂晒呢兩樣o野, 我地四個就去o左EXP 開餐, 因為板前實在太多人喇, 根本就等唔到座o既.
沒有留言:
張貼留言