今次都係以唱舊歌為主, 都好丫, 佢d 新歌我都唔多識...好多舊歌例如, 我最鍾意o既"野孩子", 同埋"假如讓我說下去"都有唱, 仲有, "狼來了", "手信', "少女的祈禱", "小城大事"," 因為所以", "閃靈"同"可惜我是水瓶座". 最後, 唱到"姊妹", 令我好有同感, 因為我o既好姊妹Phoebe下個月就結婚喇, 想當年, 成日都只係得佢陪我去唱 k, 唱楊千嬅o既歌.......
哈哈, 今晚好正呀, 有吳彥祖做guest, 佢突然出現上台送花, 全場都o係度尖叫, 當然我都唔例外啦, 靚仔喎!!!到期待已久o既古天樂出現, 已經無o左第一, 二晚o既激吻場面, 只係普通o既kiss 咋.....由於呢兩個實在太靚仔喇, 所以到o左梁漢文出場就明顯o的觀眾無咁興奮, 但係Edmond真係唱得唔錯o架!
臨尾, 都多謝o既環節, 因為陳曉東有o黎睇, 講講下, 佢就俾人叫o左上台, 好求其咁唱o左兩句"水瓶座"就走, 原本今晚仲有汪阿姐o黎睇喎.
Overall, 都叫做幾好睇o既, 不過, 我地坐山頂, 氣氛好難同上次睇Harlem o既時候坐第四行比較lu.....
沒有留言:
張貼留言