My First French Cooking Class ~~~

今日雖然係星期六, 但係我都好似平時返工咁早起身. 因為今日會同咩咩一齊去學整髮腳菜呀!!!係唔係好高檔呢??!!

首先, 第一個節目就係迷路喇!!!! 雖然拎住部iphone 可以睇住個google map 搵路, 不過, 路痴真係路痴, 始終都係要搵好耐先搵到條奧卑利街.

去到餐廳, 我地比原定o既上課時間遲o左10分鐘, 但係去到餐廳竟然無其他人喎, 只係有個圓碌碌廚師. 佢話今日只有3個人上堂, 即係除o左我地兩個, 仲有一個人啦.....開頭, 仲好驚法國佬英文唔多好, 十句一定有九句聽唔明, 好在, 佢d 英文都唔算難聽.

(呢間餐廳細細地, 都幾骨子)

一路等人, 我地一路飲住o野, 一路聽圓碌碌廚師講點樣捉d 蝸牛, 點樣洗乾淨. 望住本書張蝸牛相就覺得好核突喇......陣間點煮, 點食呀?! HELP!

無幾耐, 第3位同學仔出現喇! 原來係一位外籍太太, good! 有人陪圓碌碌廚師吹水喇!!!如果唔係, 要我搵o野講都幾辛苦.

今堂, 我地會整兩樣o野, Baked Snails in shell with Garlic and Parsley Butter, Floating Island. 以我所知, 呢兩樣都係好出名o既 french dishes.

嘩, 原本焗呢個法國蝸牛好簡單, 只要將d 新鮮parsley 葉切碎, 加埋蒜蓉, 牛油, 少少mixed herbs, salt & black pepper 調味, mix them up, 再將d mixture 連埋d 蝸牛肉放入個shell, 放入焗爐焗20分鐘就得.

另外o既floating island 就煩得多喇....一要打蛋白, 就煩啦. 蛋白加糖加至cream 狀, 另外蛋黃加糖用手打勻, 再加入微熱o既牛奶 (加好少好少o既vanilla), 煮滾後, 放o向一盆冰水上放落. 至於d 蛋白, 就放入已加入微熱水大約100度o既焗爐焗10分鐘, 最後, 只要將已焗好o既蛋白放上蛋黃汁上, 加d 杏片同strawberries, 就搞掂.

兩款比較, 做甜品真係比較難, 技巧同溫度一定要控制得好好先OK.

上完堂, 我地仲可以o向餐廳食返自己o既制成品, 真係好開心呀!!!!最後, 我同咩咩仲分別拎o左半打焗好o既蝸牛, 同埋半打未焗o既蝸牛走o添....今次有得又食又拎, 真係抵晒!!!

(d 制成品好睇又好食)