)喇. 未入去之前, 就已經俾d 走地雞嚇死喇…..d 人傻o架, 將d 雞放到四圍走, 仲要鬼死咁大隻, 好得人驚呀!!!會有禽流感o架嘛….避過o左d 雞終於入到去喇. 果然, 又係一間搵遊客笨o既手信店. 入面有一間玻璃房做demonstration o既, 唔知乜原因, 或者timing 唔o岩啦, 無人做示範喎, 所以, 就咁影下間demonstration room 就算喇. 
另一邊, 就有counters 俾人試食芝士, 不過, 要排隊, 加上對芝士o既興趣唔太大, 望下就算喇. 唔知點解, 從來都無打算o向呢樹抬舊芝士走喎….我地商量過, 如果真係要買, 都係出返去city centre o向supermarket 買啦, 應該會平過o向呢度謀人寺o既. 所以好快就行完喇.
(基本上, 呢度係一間手信店, 主打當然係芝士, 而荷蘭比較出名o既芝士就係叫做Gouda 喇, 其他手信當然有tulip bulbs 同牛牛擺設啦!)
例牌行程, 行完芝士廠就梗係去埋木屐廠啦. 同芝士廠一樣, 有一個小小area 係做demonstration o既. 不過, 又係無人喎.
呢度叫做有多少少資料性o既o野睇下, 店內有show 下以前o既木屐係點樣, 其他唔同地方或者唔同類型o既木屐, 都幾得意o既. 最大area 就梗係賣屐啦. 唔同size, 唔同款式都有, 都好靚o架. 但係, 價錢都唔算平, 買o左返去, 又要o徙地方擺, 都係影下相算喇.
木屐廠o既門外有幾對大型o既木屐俾遊客影相o既. 睇怕呢個都係必到景點之一喇, 我估無人會唔影, 所以我地都循例影下相啦.
(好好彩, 搵到有人幫我地影合照)
其實Zaanse Schans 仲有間Museum 可以行o既, 不過, 已經時間唔早喇, 所以, 唔行lu. 係時間回程喇…..雖然呢度好明顯係一個做遊客生意o既地方, 但係都算值得一到o架, 因為呢度o既風景真係好靚, 好舒服, 而且都好有特色. 不過, o黎完今次之後, 唔知幾時會再有機會o黎喇. 所有, 臨走前, 要再望多兩眼先走.
坐火車返到Centraal Station經過Smullers, 原先打算幫襯下, 試下呢d 咁有趣o既burger 自動販賣機. 睇o岩邊款burger, 自己入coins, 就可以買到o架喇. 不過, 價錢唔平之餘, 又未覺得肚餓喎. 所以, 都係睇下就算喇.
行返出去搵canal bus o既碼頭, 先redeem o左張24 hours hop-on hop-off pass 先.
之後, 我地就由Centraal Station 開始行下街喇……睇下呢個城市係點o既. 行到Damrak, 覺得有d 餓喇, 但係, 初到貴境, 有d 迷失, 唔知搵乜食好. 所以, 見到就近有KFC 就走o左埋去喇….就係咁一時唔理智就做錯決定喇…..簡簡單單o既一餐, 竟然要我差唔多一百蚊港紙呀!!!!歐洲o既物價真係貴喇….食飽飽就繼續行街喇.
(P.S. o向荷蘭食快餐店, 如果要加茄汁/mayonnise要盛惠五毫子歐羅o架!記住唔好亂要呀!!!)
行到去Magna Plaza 門口, 我地就等tram 去Hobbemastraat. 其實唔係坐好耐, 幾分鐘就到. 不過, 既然買o左任搭pass, 就唔辛苦自己啦.
落o左tram, 左邊先見到Rijksmuseum, 除o左遊客, 都有唔少學生o黎參觀喎. 直行唔駛1分鐘, 就到o左I Amsterdam 呢個地標喇. 反正有時間, 影幾張相先走. 跟住, 開始搵路行去Van Gogh Museum 喇. 左兜右兜, 其實沿住電車路向前行就到喇.
(好估大部份人o黎過Amsterdam, 都應該會o向呢個地標留低腳毛)
哈哈哈, 由於醒目o既我一早已經預先買o左入場券, 我地唔駛排長龍就可以直入喇…呵呵呵!!!!
呢度守衛好深嚴, 要放低晒backpack同埋相機. 到正式入館, 仲要過sensor, check 下你有無帶金屬o野. 驗完身就可以入去睇畫喇…..
Oh, 又話呢度收藏o左最多梵高o既畫, 可能呢度地方大, 空曠, 所以總係覺得空框框咁. 不過, 都總算能夠一睹名畫 – Sun Flowers o既真跡.
行完van gogh museum, 我地又再去返Centraal Station喇, 因為按schedule, 我地要坐canal bus 沿運河觀賞下阿姆斯特丹喇. 可惜, 今日天氣唔好, 有微雨, 個天好灰, 影d 相出o黎都唔多靚. 我地今次坐Orange Line. 點解揀呢條line, 原因係呢條line 經過另一邊o既Amsterdam, 而呢邊我地係無時間去o既. 不過, 我地無坐到總站, 去返到Leidseplein 就上岸喇. 上岸無目的, 四圍行下, 見到荷蘭casino, 其實荷蘭有好多casino, 呢間係當年鄭伊健拍古惑仔o既景點喎.
(就係呢間Holland Casino)
雨愈落愈密, 搞到我地無心機四圍行, 又唔知想食乜喎, 於是我地行返去Magna Plaza 隔離o既Albert Heijn Food Plaza (其實即係supermarket) 買麵包返酒店食喇. 幫襯完Albert Heijn 之後, 我地就坐tram 返酒店喇. 今晚o既晚餐就係我地o向香港帶o黎杯麵同cup soup 喇.
(呢度咁就盛惠7蚊歐羅喇!!!)
由於我地今朝太早到酒店, 而我又唔肯俾酒店屈我加錢upgrade 房, 所以我地依家返到酒店先check-in. 拎房過程都好順利o既, 只係個reception staff 唔多friendly 囉.
我地上到房, 一打開門, 未入去咋, 就見到有個細細o既行李o急放o向地下喎, 枱上面仲有部notebook o添. 好驚呀!!唔通有鬼? 於是小倫拿拿臨走返落去同個receptionist 講啦. 無幾耐, 小倫就帶埋個女o既reception staff 上o黎啦, 個女仔叫我地落返reception, 佢地俾過另一間房我地. 有無搞錯呀!!!間房有人住佢地都唔知o既咩….好驚呀!!!!
撇除呢樣o野, 間酒店房都唔錯, 比想像中大間, 有兩張單人床, 我地兩個大o急都放得落, toilet 都唔算太細, 上網o既速度都幾好. 只係張床褥太軟.
今日好攰呀, 所以一早就瞓喇!!
沒有留言:
張貼留言