左望右望一輪, 搵到Office of Tourism 喇. 第一件事, 排隊買Paris Museum Pass 先. 唔算多人排隊, 我地前面只得兩個人o者.
頂, 原來呢度唔收cash, 只收card喎, 早知o向香港上網買o左先啦. 之前o既exchange rate 低d, 蝕o左…… 可能呢度做遊客生意, 所以同個職員用英文溝通都無問題.
搞掂o左個pass, 就到要搵個metro o既service counter 買10 t+tickets 喇. 個service counter 都隱蔽. 要落一層轉個彎先見到. 搵到都係弊. 個職員唔曉英文 (唔知真係唔曉, 定扮唔曉), 要指手劃腳, 加埋我少少o既法文先買到一set 10張metro 飛.
O黎巴黎, 一定要買一set 呀, 因為每次獨立買單程飛貴好多o架. 即使咁樣買, 每次一張飛都要EUR1.2 呀, 即係12蚊港紙一程地鐵, 貴到傻.
買到飛, 就要開始摸索下點樣搭地鐵喇. 雖然, 事前已經有晒心理準備, 知道巴黎o既metro 又殘又舊, 但係估唔到仲差過London o既tube!無計, 呢d 就係佢地o既文化特色! 唔知係唔係開始peak hour, 好多人搭車, 所以好迫. 因此, 小倫面黑黑, 猛咁叫話要走呀!
幸好, 由 Gare du Nord 去我地入住o既酒店唔算好遠, 搭line 4向Porte d'Orleans 方向, 搭到去Strasbourg-Saint-Denis轉車, 轉車就就有麻煩喇, 由於係無電梯o既關係, 要自己拎住d 行李行樓梯,
跟住再搭line 8向Balard方向, 去到La Motte-Picquet Grenelle 落車, 總括o黎講, 車程唔算耐, 唔駛半個鐘就到酒店, 而且metro 班次都算密, 法國人亦都唔係想像之中咁 cool o者, 佢地都好肯幫人丫. 我同小倫一人抬一個o急, 沿途都有好多人走o黎問我駛唔駛幫我拎, 只不過係我當時心情唔多好, 發緊忟, 又驚人地係賊仔, 個人tense, 所以每一個好心人都俾我用唔多好o既語氣reject, 真係唔好意思!!!!下次再有機會, 我一定會relax 一d, 有人肯幫我, 一定要俾人幫啦. 哈哈哈....
出o左metro station, 好易就認到方向, 酒店雖然o向條比較靜o既街, 但係都好易搵, 指示亦都好清晰. Front Desk staff 係一名法國女子, 佢d 英文好易聽, 溝通一d都唔成問題, 俾返d booking emails佢, 對返o岩資料, 俾埋房o既wifi passwords 我地, 我地就自己上房喇!
嘩, 真係同網上睇相一樣o架喎, 呢間係一間小酒店o黎o既, 聲稱有4星喎. 佈置得好精緻, 所以呢間係屬於boutique hotel, 型!!!正當我地望住條樓梯滴汗之際, 有另一個男職員走出o黎指示俾我地睇, 原來係有lift o既, 咁都無咁驚!!!
(不過架lift好細, 剛剛夠我地兩個人企加埋兩個O急咋)
上到房, 打開門, 一個字, "正"呀!!!!!好鍾意呢個style 呀!!!連個洗手間都好靚呀!!!不枉我咁肉赤book 呢間酒店呀!!!以面積計, 其實間房同東京o既酒店房差唔多啦, 不過, 個洗手間就精美過東京o既酒店喇, 真係有愛馬仕o既shower gel 同shampoo 呀!!!另外, 仲有個小小露台o添!!!非常之法國feel~~~
(我地住4樓, 3號房)
時間緊迫, 唔可以o向房磨咁耐喇, 放低行李, 帶齊地圖, 就要趁日落之前去會一會老佛爺喇!!!由酒店去, 都係要搭metro 喇, 今次一樣係搭line 8, 不過就同頭先相反方向, 可能今次再搭, 已經少o左好多行李, 小倫都無頭先咁緊張喇, 不過, 都係好多人, 要自己小心d.
由酒店去到Opera 站其實好快, 只不過係幾分鐘. 一上到地面, 超級多人呀!!!!背後就係聞名中外o既巴黎歌劇院, 影返張相留念先! The Phantom of the Opera 呢個故事就係以呢度為背景o架喇. 因為已經過o左參觀時間, 無機會入去見識下o添…..
滾水淥腳就要去老佛爺 (Galeries Lafayette)喇!!!由歌劇院行過去, 好易搵, 亦都好快就到. 呢度比歌劇院仲要多人, 而大部份o既就係偉大o既內地同胞啦…..好似做緊sale, 所以有咁多人買o野呀…….弊, 每逢人多, 迫迫下, 我就迷失世界o架喇! 唔知道自己想點, 唔知道去睇d 乜好o添…..總之, 去一去LV 行個圈先. 正如上次個舊同學教路, 話老佛爺入面o既LV 人多, 又少款, 叫我唔好o徙時間, 所以, 我地真係行o左一個圈望再兩望就鬆人喇. 再去Gucci 睇下, 點知要排隊喎, 仲要好長龍o添, 放棄!
見到有L’occitane 個counter, 埋去睇下價錢先….又話o向法國買L’occitane 好平o既, 都唔係啵. 運完吉, 我地決定行埋去春天百貨 (Printemps) 望下. 事後先記起, 我唔記得o左行老佛爺個 Food Court 呀!!!人地話好正o架喎! ; (
春天o既情況亦都好似老佛爺一樣, 人山人海, 睇慢慢睇下o野都唔得, 照樣, 行o左一個圈, 打o左個白鴿轉就閃人.
沒有留言:
張貼留言