所以, 決定去前面o既Manneken Pis 買薯條食. 呢間Manneken Pis 好似幾出名, 佢話自己係Voted No. 1 Holland’s Fries o架. 我地都見其中賣薯條o既舖頭都無人排隊, 係得呢間有人排隊. 因為無食lunch, 所以我地買o左medium size 加mayonnaise. 但係我地都食唔晒喎.
(呢一包薯條盛惠EUR3.45)
食飽飽之後, 我地四圍行下. 路過LV 喎, 一於入去行下先. 呢度真係好, LV門口唔駛排隊, 不過, 入面好少好少款. 中國自由行真係厲害, 遠到o黎荷蘭o既LV, 入面大部份o既都係自由行喎.
跟住, 再沿路行返去Dam Square 影下名勝, 例如國家紀念碑, 王宮, 同埋新教堂. 唉, 一個二個都係咁, 包實晒, 影響外觀. Centraal Station 係咁, 連王宮都係咁. 無癮..............
下一個目的地就係向Anne Frank House 進發喇. 因為行錯路, 所以無啦啦行多好多冤枉路. 去到Anne Frank House 門口, 見到條人龍, 人多到得人驚, 腳軟喇, 唔想等, 決定到此一遊就算lu. 影低張相就走人.
(鬼咩, Amsterdam 好多街都係呢d 咁o既河, 條條都差唔多, 行來行去, 個個街口都係咁, 想唔行錯路都幾難!)
終於見到西教堂(Westerkerk) 喇, 見到佢就會知道 Anne Frank Huis 好近喇. 西教堂好易認, 因為佢o既尖頂有個皇冠o向樹, 按資料話, 呢間教堂係現時Amsterdam 最高o既.
Anne Frank O既身世可憐, 佢O既diary係名著, 所以就吸引咁多人O黎排隊喇....
行o左咁耐, 大家都有d 攰攰地, 不如返酒店休息下. 就係咁, 我地好奢侈咁日光白白白返o左酒店瞓晏覺. 原來咁樣行街都咁攰, 一瞓就差唔多天黑喇. 光陰苦短, 我地決定起身, 出返去city centre, 夜遊紅燈區兼食飯.
坐車出到去Dam Square左穿右插, 搵到聞名中外o既紅燈區喇. 呢度確實比日頭多人, 不過, 有為數不少o既都係好似我地呢d 眼望望o既遊客啦. 今晚有d 微雨, 又要小心扒手, 又要拎住把遮, 加上四圍都係酒味, 大麻味, 尿味, 令我覺得好唔開心呀! : ( 行o左小小一截, 我地就決定走喇. 叫做o黎過就算.
因為紅燈區唔俾影相, 所以影相O既時候好驚, 影O左一張就收手喇.
估唔到一盒小小薯條令到我地咁飽, 原先一心諗住今晚係我地留o向荷蘭最後一晚 (嘻嘻, 其實前後加埋咪只得兩晚咁大把!), 不如搵間餐廳食下飯啦. 但係, 小倫話飽食唔落, 而且, 又唔搵到有乜特別o野好食, 見得最多就係Italian restaurant, 跟住就係快餐店. 揀下揀下, 時間都唔早, 不如就求其買個Burger King set meal 返酒店食就算lu. 哈哈, Burger King 平過KFC 好多喎!!!抵食, 早知第一日就唔幫襯KFC 啦.
雨愈落愈大, 所以tram stop 有好多人等車, 一片混亂. 好不容易, 終於上到tram 坐返酒店喇. 返到酒店, 洗完白白, 食飽飽, 就要執埋行李, 又要預備心情聽日出發去巴黎喇!!!!
Paris, we're coming!!!!
全程O向荷蘭買O左O既手信, 就係得咁多喇!!!!哈哈哈, 全部都係玩具!!!Miffy 真係好得意, 好難忍手唔買......
沒有留言:
張貼留言