今晚, 我地要o黎試下呢一個24小時營業, 馳名燒豬腳o既餐廳. 餐廳叫做 “Au Pied de Cochon”, 早排杜如風o向佢o既節目 “風行全世界”都有介紹過.
好好彩, 我地一去到就有位喇, 唔駛等…..Yeah!!!研究下食乜好呢? 當然, 梗係要order 一份燒豬腳試下啦. 另外, 又學下杜如風order 一個seafood platter 試下先.
(認住呢隻豬仔喇!!)
估唔到法國人做o野都幾快手, 唔駛等到頸都長就已經有得食喇!!!先o黎o既就梗係唔駛煮o既seafood platter 啦. 嘩, 好大盤呀!!!!仲有好多款海鮮o添!!! (ß 真係大鄉里出城喇!!!港燦!!)生蠔有3款, 當然我係唔識分啦, 不過, 其中有一款味道好特別o既, 就係銅蠔 (belon)喇!雖係係貴o野, 但係, 膚淺o既我, 未係好曉得佢o既特別之處o向邊, 只係覺得佢d 味有d 怪怪地, 同其他蠔唔同. 除o左蠔, 仲有翡翠螺, 唔同類型o既clams, 蝦, 青口, 同埋d 我唔知乜名o既螺仔.
食到手忙腳亂之際, 香噴噴o既燒豬腳又到喇!!!!本身我唔食豬腳o既, 但係見佢卜卜脆, 又試下啦!!!真係好好味喎!!!仲有好豐富o既骨膠原o添!!!!o向歐洲, 連薯條都好食過人o架!!!!wakaka……. 食飽飽, 已經唔記得o左之前行得有幾辛苦喇!!!!呢一餐又唔貴喎, 都算幾抵食, 60蚊歐羅都唔駛!!!
由於已經太黑喇, 小倫唔想坐metro 返酒店, 提議話不如試下搭的士啦. 好啦, 反正都攰, 一於豪一豪啦……
餐廳門口就有的士喇, 一上車, 就俾張酒店o既卡片個司機, 佢望一望個地址, 就話ok, 然後入個地址去GPS. 有GPS 我地就放心好多喇, 起碼都知道佢有無兜我地路啦, heehee….不過, 即使佢真係兜路, 咁又可以點呢…..用英文鬧佢, 佢都可以扮唔識英文啦… 司機叔叔好識做, 經過羅浮宮時, 減慢速度, 俾我地睇下. 原來夜晚o既羅浮宮好靚, 尤其是個玻璃金字塔. 仲經過鐵塔o添呀!!!咁樣遊下車河都幾得意丫…..
短短大約20分鐘o既車程, 就返到酒店喇. 其實我地都覺得係行遠o左o架, 不過, 見車程又唔係太貴 (我地自己覺得啦), 只係大約EUR 14, 就算數啦, 最緊要小倫覺得安心o者.
返到酒店都差唔多十點喇. 上下網, 洗完白白, 執下o野咁又要瞓 lu.
沒有留言:
張貼留言