是日乃係中秋節, 我阿姐放o左大假, 我成team 人只有我同另一個同事返工, 大阿姐一早就同AM 講, 其實我地兩個之中可以有一個人放3點半o既. 嘩, 簡直係皇恩浩蕩呀!!!雖然我今晚趕飛機, 但係都唔可以自己主動開聲, 始終人地係大, 佢有話事權, 點都要等人地安排o既.
我o既outstanding list 一早就做好啦, 交低晒d 手尾就開始將我本精美o既旅遊天書做finalization 同埋偷偷地做賊仔用公司部laser colour printer print 靚佢, 仲bind 好o添.....由於只可以暗地裡進行, 呢個行動要等到lunch time d 老闆同其他同事出去食飯做節, 留低我呢個無朋友唔同人埋堆social o既人做自己o野啦.
好o野, 終於都bind 好我兩本旅遊天書, 下晝, 大家都holiday mood, 食埋大阿姐請o既tea, 各人都預備放工, 點知, 阿AM 竟然同我講, 話我趕飛機, 不如今次就俾我放早先啦. 好, 呢一次我會記住o架, 不枉我生日week 讓o左一日假俾佢放, 去參加佢個仔o既幼稚園畢業典禮, 算係有d 回報! 我呢份人好衰, 你敬我一尺, 我就敬返你一丈, 今日你讓我早走, 下次我一定會讓返你o既, 只係我位"好"同事唔阻住我的話.
就係咁, 我無啦啦可以放3點半喇, 亦因為早o左走, 我唔夠時間print 埋d google map 呀!!!Help!!!到時都唔知點算喇, 唯有憑我之前search info o既記憶啦.
因為我又無記性, 唔記得帶電話, 所以放工去尖沙咀join 埋小倫之後, 我地就返屋企執埋少少行李, final check 下行李, 沖埋涼就已經差唔多時間喇!!!
Yeah! 出發去機場喇!!!真係巧合喇, o向機場見到seven 同 大俠呀! 佢地今晚出發去新加坡, 可惜佢地班機delay, 就係咁我地有佢地送我地機喇!!!
今次, 我地試下用我地張AE CX 卡去入Travellers' Lounge 食免費餐. 嘩, 估唔到入面咁多人o架, 大部份都係好似我咁貪小便宜o既香港人.
據探子回報, 呢度最出名係魚蛋粉, 所以唔係好肚餓, 我都叫o左一碗試下, 萬一陣間個飛機餐唔好味都有d o野打下底. 另外, 我又食多少少沙律, 因為唔知去到o個邊有無菜食丫嘛. : p 好搞笑, 呢度有旺旺拎喎, 小倫梗係唔客氣, 袋定兩包做零食啦. 臨走前, 我去拎定兩支水上飛機, 費時落機時要四圍買水飲啦. 估唔到又食又拎都幾爽喎, 下次去旅行再試下先!!
為免重蹈上次去東京final call o既覆轍, 小倫命令要早d 坐定定o向閘口等, 就係咁, 我地食飽飽之後無再四圍行下shops, 乖乖咁等上機喇!眼見今晚班機都好full 喎!
準時00:15, 我地就開始17日o既開心快活精華遊喇!! Go!Go!!Go!!!
沒有留言:
張貼留言