一早起身, 我地o向房食個簡單早餐. 因為我地book o左淨房咋, 要o向酒店食埋早餐, 每人要俾多十幾蚊歐羅呀, 雖然係一般酒店價錢, 但係身為寒底組, 就梗係慳得就慳, 唔會幫襯啦. 呢間酒店唯一唔好處就係房間無kettle or coffee maker, 所以, 我地想要熱水, 就要自己落去café 拎.
今日o既主打, 就係去凡爾賽宮 (Chateau de Versailles) 參觀喇. 因為今日係星期日, 無得shopping, 所以就去遠少少o既地方喇.
要去凡爾賽宮一d 都唔難. 坐RER 去就得啦. RER 好似輕鐵咁, 不過係行走巴黎市郊, 某部份o既metro station 係RER 轉車站. 最近我地o既RER station 係 Champ de Mars Tour Eiffel, 由於呢個站都好近我地酒店, 所以, 我地決定慳返一程metro, 直接行去啦. 唔知今日係乜o野特別日子呢, 沿路都見到好多人跑步, 愈行近鐵塔o個個方向, 就愈多人. 可能今日有跑步比賽啦. 去到個站, 只得一個售票處, 同售票員買o左去 Versailles-Rive Gauche o既 return tickets, 就去月台等車喇. 車費加o左價, 之前上網打探得知每人每程 EUR2.95, 依家要每人每程 EUR3.05 喇.
我地估今日o既跑步比賽都幾大型喎, 因為對面月台o既車, 成車都係參賽選手呀! 簡直係 people mountain people sea.
等o左一陣, 終於有車到喇. 我地坐o既車都係比較古舊, 係雙層o架, 好得意. 我地揀o左上層o黎坐. 開車無幾耐, 就有個中年男子坐埋o黎彈手風琴, 其他乘客都有俾錢佢, 咁佢企正o向你面前, 拉o左兩句, 唔通唔睬人咩, 結果我地都有俾o左少少散紙佢.
坐o左差唔多半個鐘, 就到站喇. 唔駛慌唔曉落車, 因為大部份人都係o向呢個站落車, 只係跟住行就得o架喇! 哈, o向車站又見到好多參賽選手, 唔知係唔係個跑步比賽係由呢度跑去鐵塔呢? 如果係都幾遠喎.
沿途都見到有地方賣凡爾賽宮o既門券, 全部都要排長龍, 好在, 我地有Paris Museum Pass, 唔駛再排隊買飛.
終於都o黎到呢個17, 18世紀法國皇宮o既世界文化遺產. 即使只係去到門口, 都已經feel 到好震撼!!!!正當我自以為有Paris Museum Pass 就可以免卻排長龍o既痛苦之際, 慘痛o既事實就呈現o向眼前喇!!!持門券者, 都一樣要排隊入內參觀o架.....我地只係減省o左排隊買飛o既時間咋...無計啦, 都係要照排o架啦...最後, 排o左一個鐘頭, 終於到我地喇. 循例都要打開晒d 袋過安檢.
嘩, 入到去, 真係好大喎. 好有氣勢!!!有d 似劉姥姥入觀園o既feel. 跟住地圖行, 每間房都有好多唔同o既畫同擺設, 真係大開眼界呀!!!好鬼忙, 又要睇下旅遊書介紹, 又要影相. 好奇怪, 點解呢度有咁多得意o既公仔擺設o既呢? 同凡爾賽宮d o野完全唔夾o架喎, 事後先知, 原來呢d 公仔擺設係出自一位著名日本藝術家村上龍, o既裝飾藝術展.
我地已經行得好快, 行o左兩個幾鐘, 唔知有無漏o左o野無睇到, 總之, 出名o既鏡房Mirror Room 同埋拿破崙間房都有參觀過, 因為今日遲o左出門口, 加上又要排隊, 同埋, 呢個凡爾賽宮真係好大好大呀, 令到今日成個行程都behind schedule, 即使係咁, 我地都想行埋個花園呀!!
(顧名思義, 鏡房入面有好多鏡. 一邊全部係鏡, 另一邊盲係透光O既窗, 等D陽光由窗進入, 再由鏡反射, 令到間房光猛d).
o黎到門口, 見到好靚, 所以都加錢買埋入花園o既飛 (EUR8). 雖然唔會行好耐, 但係只係幾十蚊港紙o者, 一於唔好寒底, 入去見識下. 可惜, 呢度o既天氣變化實在太大喇, 呢頭出太陽, 轉頭又變成烏雲, 所以影d相出o黎都麻麻地o添. 呢個花園好大, 我地都有d不知所措, 唔知由邊一忽開始行好..........唔知以前住o向樹d人會唔會蕩失路呢? ;P 哈哈哈.....
行到咁上下, 有d 肚餓喇, 於是就o向花園入面一昌小小o既kiosk 買個pizza兩份食. 熱辣辣, 好好味呀!!!!
三兩下手勢, 我地已經消滅o左成個pizza喇, 有氣有力繼續行.......見到有d遊客book o左架golf car遊花園, 真係爽呀!!!!第時老o左, 重遊舊地時, 我都要租返架坐下先. 由於時間關係, 遊花園只可以走馬看花, 我地又要走喇........坐返RER 出Paris, 繼續去我地今日o既下一個行程喇. 確實凡爾賽宮係一個非常值得遊覽o既地方!!!!
(臨走前, 差唔多夠鐘睇music fountain, 一於睇埋至走人, 呵呵呵!!!)
沒有留言:
張貼留言