過o左唔知幾耐, 我開始醒醒地, 空姐亦都派晚餐喇. 唔知係因為我真係太飽, 定係今晚o既飛機餐唔o岩胃口呢, 對住我o個份飛機餐竟然食唔落. 係咁易食o左幾啖就放棄了. 相反小倫揀o左雞飯就幾好味喎. 可能因為今日係中秋節o既關係, 每人都有一個迷你美心月餅喎.
好在, 我地今次放棄window seats, 而改mark corridor o既位, 坐得耐, 瞓得耐可以起身行下, 去washroom, 如果坐得入, 就無得起身行來行去喇.
又唔知過o左多耐, 又到o左食早餐o既時間喇. 瞓到懞盛盛o既我, 已經唔記得o左自己瞓o左幾耐喇. 連帶o左副rummikuk 打算悶o既時候玩, 都唔記得住喇. 呢份早餐比起份dinner o岩食又好味好多. 今次一於要食多d, 費事陣間落機肚餓要o徙錢食o野啦.
食飽早餐都差唔多時間要準備落機喇. 估唔到歷時12個小時o既機程咁容易就過去喇!!!
我地準時荷蘭時間早上6點35分就到時我地第一個目的地 - 荷蘭o既首都阿姆斯特丹喇!!!!
落機後, 再行好遠先去得到immigration, 比東京羽田機場行得仲遠呀!!!行到腳都軟埋. 哈, 我同小倫突然想起舊年奶奶o黎荷蘭時, 一落機就有CX o既staff 用高爾夫球車載佢真令人羨慕!!!!入境o既counters 當然係比香港o既細啦. 不過, d officers 都好nice, 只係好簡單咁問下係o黎荷蘭做乜呀咁. 之後, 就去等行李碌出o黎喇.....估唔到, 晨早流流, 得咁少人都要等咁耐行李. 拎o左行李, 我地打算出門口啦, 見到有兩個海關人員, 咪有禮物對人笑下啦...頂....點知, 就係咁俾人叫o左埋去, 話check 下我地d 行李喎, 早知就掂行掂過啦, 扮乜鬼有禮貌喎. 好在, 個officer 都好好, 只係望下就算.
拎完行李, 下一步就係要o向機場入面搵間Tourist Information Centre 喇. 左搵右搵之下, 搵到一間類似o既, 原先以為有免費地圖可以拎啦, 點知又俾錢買o既, 咁我梗係唔會俾錢買啦, 反正之前o向公司都print o左一份簡單o既amsterdam city map, 一於就慳返, 睇下到o左酒店有無得拎先. 拎free map 無望, 下一個任務就係要買o黎緊呢3日好重要o既72 hours tickets, 有o左呢張飛, 就可以o向72小時之內任撘Amsterdam 內任何o既bus, tram 同metro. 雖然我地留o向阿姆斯特丹o既時間少過72小時, 但係與其只買一張48 hours tickets再加之後o既單程飛又會好麻煩喎, 反正唔差好遠價錢, 都只係相差EUR4 之嘛, 一於豪俾佢啦, 費事煩喇. 之前做資料搜集時, 仲想今次o黎到試下好得意o既格仔飛啦. 可惜, 依家已經唔再用lu! 起初以為呢種72 hours tickets 可以o向便利店買啦, 點知又係錯o既, 去到便利店問人, 人地話無得買. 於是有d 不知所措之際, 我地去問下賣火車票o既service counter 啦. 原來, 呢d 72 hours tickets 要去返剛才想拎free map o既Tourist Information Centre 買o既. 好o野, 我地終於買到飛喇.
出o左機場門口, 跟住指示, 好快就搵到巴士站喇. 由機場坐巴士, 用呢款任搭車飛只有兩條巴士線可以行, 其中一條就係我地要坐o既195號巴士喇. 因為我地miss o左7點49分o個班, 唯有等8點零4分o個班啦. 好在巴士班次都算密. 呢度d 巴士係單層巴士o黎o既, 估唔到晨早流流都有幾多人搭喎, 雖然未至於full, 但係都有8成滿座o架. 我同小倫為o左張睇住d 行李, 免得佢地碌來碌去阻到人, 我地選擇企, 反正酒店離機場都算近, 只係大約20分鐘車程o者. 同車, 有另外4個同我地差唔多年紀o既香港人喎.
估唔到, 佢地同我地一樣, 大家住同一家酒店喎. 我地o向reception counter 預備check-in時, 打算同佢地social 下啦, 諗住大家出o黎去旅行, 傾下計o者....哼!!!其中有一對男女竟然咁寸咀喎.....話乜o野佢地唔係第一次o黎喇, 佢地兩個只係陪另外兩個o黎之嘛, 又講話都話o黎歐洲應該帶LV 啦, 難d 俾人界丫嘛....仲要八卦明"目及"我book 呢間酒店幾多錢一晚, 簡直超cheap 呀!!!到我問下佢地仲會去邊度玩呀, 佢地房錢幾多呀, 又唔答喎. 我最憎就係呢d 人o架喇. 問我o野, 我答你, 到我問o既時候又虛應我....講真,佢地有幾巴閉呢, 按我估計佢地似係4個人屈埋住一間房o添呀!真係好唔鍾意遇著呢d咁o既人.
由於我唔肯即場俾多EUR30 upgrade 房, 所以無得俾我早check-in, 於是, 我地就left-luggage o向酒店, 就出發去我地第一個景點喇.
由酒店行去最近o既tram stop - Louwesweg 大約10分鐘啦, 雖然只有tram 2 先會經過我地呢度, 但係都唔算等好耐, 通常5分鐘之內一定有車. 好有趣, o向車頭上車, 到站後要o向車中間/ 車後再拍卡先可以落車o架. 荷蘭o既電車都幾好坐喎, 無香港o個d 咁舊, 而且乾淨又舒適. 我地坐o左大約40分鐘o既電車就到阿姆斯特丹o既Central Station 喇. 呢個車站好重要o架, 主要係連接阿姆斯特丹同荷蘭其他地市, 或者其他國家o架.
(就算唔識聽dutch 都唔緊要, 每到一個站, 都有英文廣播, 再唔明, 望坐個display 啦)
去到Central Station 後, 我地就要試下點樣買火車飛喇. 因為我地第一個景點就係去Zaanes Schans 風車村. 由Amsterdam 去呢度要坐大約20分鐘o既火車, 近近地都算幾方便易去o架.
點解要叫做試下點樣買火車飛呢? 原因係, 如果要行埋counter 買飛, 要額外俾多EUR0.5, 兩個人加埋就一蚊歐羅, 即係十蚊港幣o架喇. 大拿拿十蚊喎, 寒底人就梗係要自己試o左先啦. 好喇, 火車站入面四圍都有車票自助售賣機o既, 但係唔係每一部都同時接受bank notes, 大部份o既只accept credit cards o架咋. 有 cash o向手, 幾大都唔會look card 啦, 費事俾銀行收我charge.
另外, 仲要搵一部唱錢機, 因為去Koog-zaandijk o既車費唔貴, 兩個人只係EUR10.6, 所以要先唱o左coins 先. 買飛o既程序好簡單, on screen 有得揀English menu o既, 之後照住instruction, 輸入目的地o既名, 人數, 同埋single 定 return, 最後入錢, 拎飛走人.
比較麻煩o既係搵月台喇, 左騰右騰一輪之後, 我地決定問人喇. 好在d 班次都算幾密, 唔駛等好耐就上車喇. 估唔到呢度d 火車都o既新式, 同tram 一樣, 入面好舒服同乾淨, 果然呢度係一個環保o既國家, 乘客係可以帶埋佢地o既單車上火車o架, 雖然係咁, 但係你唔會覺得人地o既單車會阻住人o架喎. 由於從火車站到上車都唔駛入閘o既, 所以呢度o既火車係有票務員負責查飛o既.
落車之後, 我地同其他人一樣, 都係頭岳岳, 四圍望, 因為個火車站好細, 無d 好清晰o既指示. 望o左一陣, 我地見到同一班火車o既人都o向一個方向行, 我地決定跟人行喇.
由火車站月台穿過subway, 行返上地面就見到正如早前o向人地個blog 所講, 好似角子老虎機的地圖機, 我嘗試拉下, 當然就拉唔到啦. 依住地圖向前行大約15分鐘, 就會見到第一座風車. 真係大鄉里出城, 一見到, 又掛住影. 影o左幾張相, 再向前行, 就會見到一條天橋, 企o向天橋上, 就已經見到Zaanse Schans 風車村o向眼前喇....真係好興奮.
o向行入去風車村o既時候, 會見到第一間Albert Heijn o既舖頭, 呢間Albert Heijn o既現時荷蘭其中一間最大型o既supermarket 連鎖店, o向荷蘭四圍都會見到o架, 不過舖仔細細, 入到去望o左兩眼就走lu. 呢個負村落好靚, peaceful and tranquil, 表現出17, 18世紀時荷蘭小村莊o既面貌.
行o左無耐, 就見到3座風車o向面前喇!!!!好開心, 好興奮呀!!第一次見到真正o既風車喇! 呢個係我地選擇o黎荷蘭o既目的之一, 果然呢度係著名o既遊客區, 估唔到呢d咁o既時候, 都有咁多遊客, 要影張相都要左避右避先影到. 呢3座風車都對外開放o既, 但因為每座都要俾錢先可以入內參觀, 於是, 我地就揀o左De Kat 呢度. 之前睇人地o既blog都係見d人入去呢座, 所以, 都係照跟啦. 參觀費唔算貴喎, 每人EUR 3之嘛. 不過, 估唔到入面咁細, 睇o既o野唔多, 一入去會見到一d 舊相, 大約係描述以前風車o既運作, 結構咁. 呢度燈光唔係咁足夠, 所以影相要小心d光暗好難校呀!
睇完入面, 我地就要爬樓梯上去風車o既上層喇. 嘩, 條樓梯好危險, 又長又斜, 我好驚呀!!!
不過, 上到去出面o既平台, 見到o既風景真係好靚, 咁o岩d 雲俾風吹開o左, 太陽出來了, 我地即刻把握時期換鏡頭影相先. 呢個平台係用木搭成的, 所以, 一步一驚心, 我影相o既時候, 扮挨住欄杆, 其實個人係震緊o架......哈哈哈
時間關係, 影到唔捨得走都要鬆人喇, 又要再一次爬返條樓梯落去. 落樓梯比上
仲要驚, 所要爬得好慢, 阻住後面d人o添.
沒有留言:
張貼留言